Malasi 2:7 - Labib An Kreol Seselwa

⁷ I devwar bann pret pour ansenny vre konnesans Bondye. Lepep i devre pran konsey avek zot pour konnen ki lalwa i dir, akoz se zot ki mesaze SENYER liniver.

Malasi 2:7 ပူးပေါင်းရင်းမြစ်များ

2 Rwa 16:11

Pret Ouri ti konstri en lotel parey sa model ki lerwa Akaz ti'n anvoy li depi Damas. Pret Ouri ti fini sa lotel avan ki lerwa Akaz ti retournen sorti Damas.

2 Rwa 16:16

Pret Ouri ti fer tou parey lerwa ti'n ordonn li.

2 Kronik 30:22

Ezekyas ti ankouraz bann levit ki ti montre bon disernman anver servis SENYER. Pandan set zour, lepep ti partisip dan bann repa Pak. Zot ti ofer sakrifis lakominyon e sant louanz an loner SENYER, Bondye zot zanset.

2 Kronik 31:4

I ti donn lord ki tou zabitan Zerizalenm i donn son par ki devre vin pour pret ek levit, pour ki zot ava kapab konsakre zot letan avek lalwa SENYER.

Esdras 7:10

Esdras ti'n met tou son leker dan letid lalwa SENYER, met li an pratik e ansenny dan Izrael tou bann lalwa ek regleman.

Esdras 7:25

Kanta ou, Esdras, dapre lasazes ou Bondye ki ou posede, etabli bann ziz ek mazistra pour ki zot rann lazistis lo tou dimoun ki reste lo lot kote larivyer Efrat e tou bann ki konn lalwa ou Bondye; ansenny sa bann ki pa konnen.

Proverb 5:2

Alor, ou ava byen reflesir e ou labous ava konserv konnesans.

Eklezyas 5:5

I preferab pour pa fer okenn ve, ki fer en ve san gard ou parol.

Ezai 42:19

Sa enn ki aveg, li menm mon serviter. Sa enn ki sourd, li menm mon mesaze ki mon'n anvoye. Lekel ki aveg parey mon mesaze devoue? Lekel ki sourd parey serviter SENYER?

Ezai 44:26

Mon fer realize parol mon serviter e fer arive sa ki mon bann mesaze i anonse. Mon dir lo size Zerizalenm: I pou ganny abite. Konsernan bann lavil dan Zida: Zot ava ganny rekonstri e remet an valer sa ki'n ganny devaste.

Zeremi 15:19

SENYER ti reponn: Si ou repanti, mon pou repran ou koman mon serviter parey avan. Si, olye dir bann parol ki pa fer sans, ou proklanm en mesaz serye, mon pou repran ou koman mon profet. Les sa pep tourn ver ou; pa ou ki bezwen tourn ver li.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Zeremi 2:8

Bann pret pa ti demande: Oli SENYER? Zot ki konn mon lalwa, zot pa konn mwan. Bann dirizan ti revolte kont mwan. Bann profet ti koz lo non Baal e atas zot avek bann bondye san okenn valer.

Ezekyel 22:26

Zot bann pret in kas mon lalwa e zot in profann bann landrwa konsakre pour mwan. Zot pa'n fer diferans ant sa ki sen ek sa ki profann, ni ansenny dimoun diferans ant sa ki pir ek sa ki enpir. Zot pa'n pran ka mon bann saba, e zot in dezonor mwan parmi zot.

Ezekyel 7:26

Maler apre maler, move nouvel pou vin enn apre lot. Zot pou sipliy profet pour revel en vizyon, me pret pou nepli annan lalwa pour ansennyen. Bann ansyen pou nepli annan konsey pour donnen.

Danyel 11:33

Bann parmi lepep ki annan disernman, pou enstri bokou dimoun. Me pandan en pe letan, i annan ki pou tonbe: Serten pou mor par lepe, serten pou ganny brile dan laflanm, serten pou soufer dan prizon e zot byen pou ganny konfiske.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Levitik 10:11

e ansenny pep Izrael tou bann regleman ki SENYER in donn zot par lentermedyer Moiz.”

Sofoni 3:4

Son bann profet i en bann bandi ki pe tronp dimoun. Son bann pret in mank respe pour sa ki sakre; zot in vyol lalwa.

Agze 1:13

Apre sa, Agze, mesaze SENYER, ti adres zot sa mesaz SENYER: Mon avek zot, mwan SENYER ki deklare.

Zakari 7:3

Avek bann pret ki servi dan tanp SENYER liniver e avek bann profet, zot ti poz sa kestyon: Eski mon bezwen kontinyen plere e fer en zenn dan senkyenm mwan, parey mon'n fer pandan plizyer lannen?

Malasi 3:1

La, mon anvoy mon mesaze. I pou prepar semen devan mwan. En sel kou, SENYER ki zot pe espere, pou vini, e i pou antre dan son tanp. Mesaze pou proklanm mon lalyans, SENYER liniver ki deklare.

Nonm 27:21

I pou asiste pret Eleazar ki ava konsilte Ourim. Konmsa, i ava diriz Zozye e lepep ava swiv.”

Levanzil dapre Zan 13:20

Mon dir zot, sa i laverite: Sa enn ki akey sa dimoun ki mon'n anvoye, i akey mwan, e sa enn ki akey mwan, i pe akey sa enn ki'n anvoy mwan.”

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Akt de Zapot 16:17

I ti konmans swiv Pol ek nou. I ti kriye, “Sa bann zonm, zot bann serviter Bondye Toupwisan! Zot pe anonse ki mannyer fodre fer pour ganny sove.”

2 Korentyen 5:20

Nou'n vin bann anbasader anvoye par Kris. Atraver nou, Bondye li menm in apel zot. O non Kris, nou sipliy zot, les zot ganny rekonsilye avek Bondye.

Galat 4:14

Mon maladi pa ti fer zot ganny ni mepri, ni degou pour mwan. O kontrer, zot ti resevwar mwan koman en mesaze Bondye, menm koman Zezi-Kri.

Deterononm 21:5

Apre, bann pret, bann garson Levi ava avans devan. Annefe, SENYER, ou Bondye in swazir zot pour son servis e pour pronons bann benediksyon lo non SENYER. Zot ki fer desizyon lo tou dispit ek domaz.

Deterononm 24:8

Fer atansyon! Dan ka en maladi ki parey lalep, obzerv byen tou regleman ki bann pret levit i donn ou, parey mon'n ordonn zot.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

1 Samyel 2:17

Pese sa bann garson Eli ti vreman grav devan SENYER, akoz zot ti napa okenn respe pour sakrifis ki dimoun ti ofer SENYER.