Malasi 2:6 - Labib An Kreol Seselwa

⁶ I ti vreman transmet mon mesaz e i ti ansenny laverite. I ti mars avek mwan dan lape ek lwayote konplet; i ti ede pour fer bokou dimoun retourn lo bon semen.

Malasi 2:6 ပူးပေါင်းရင်းမြစ်များ

Zenez 17:1

Kan Abranm ti annan 99 an, SENYER ti aparet avek li. I ti dir li, “Mwan Bondye Toupwisan; mars touzour dan mon prezans e fer sa ki byen.

Zenez 6:9

La lalis bann desandan Noe. Dan zenerasyon sa lepok, Noe ti en zonm zis e san repros. I ti mars avek Bondye.

Psonm 119:142

Ou lazistis i eternel, ou lalwa i laverite.

Psonm 119:151

Me ou SENYER! Ou pros e tou ou bann komannman i laverite.

Psonm 37:30

Dan labous bann zis, i sorti parol lasazes e parol drwat.

Psonm 37:37

Obzerv byen en dimoun onnet; get sa enn ki senp e drwat. Sa enn ki kontan lape pour viv lontan.

Proverb 5:2

Alor, ou ava byen reflesir e ou labous ava konserv konnesans.

Zeremi 23:22

Si zot ti konn sa ki mon mazinen dan sekre, zot ti ava'n proklanm mon mesaz avek mon pep. Konmsa, zot ti ava'n kapab fer lepep sanz son mannyer viv, e son move mannyer fer.

Danyel 12:3

Bann ki annan disernman, pou briye parey lalimyer dan lesyel; bann ki'n diriz lepep ver lazistis, pou briye parey bann zetwal pour touzour e touzour.

Oze 4:6

Mon pep i ganny detri akoz zot mank konnesans. Akoz ou, ou'n rezet konnesans, mon pou rezet ou koman mon pret. Akoz ou'n oubliy lalwa ou Bondye, mon pou oubliy ou bann zanfan.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Mark 12:14

Zot ti vin dir li, “Met! Nou konnen ki ou fran e ou pa per personn. Ou pa pran kont lenportans dimoun, me ou ansenny laverite lo lavolonte Bondye. Dir nou, eski nou Lalwa i permet pey taks Sezar? Eski nou devre peye oubyen non?”

Levanzil dapre Lik 1:6

Tou le de, ti mars dan ladrwatir devan Bondye. Zot ti swiv parfetman tou bann komannman ek bann Lalwa Senyer.

Levanzil dapre Lik 20:21

Zot ti kestyonn li, “Met! Nou konnen ki sa ki ou dir e ansennyen i vre; ki ou pa fer lapreferans pour personn, me ou ansenny vre semen Bondye.

Akt de Zapot 26:18

Mon pe anvoy ou pour ouver zot lizye, pour fer zot sorti dan fernwanr e tourn ver lalimyer, kit pouvwar Satan e retourn kot Bondye; pour ki par zot lafwa dan mwan, zot ava ganny pardon zot pese e ganny en plas parmi pep Bondye.”

Deterononm 33:10

Zot ava ansenny Zakob ou bann regleman e Izrael ou Lalwa. Zot ava ofer lansan devan ou e bann sakrifis konplet lo ou lotel.

Deterononm 33:8

La sa ki Moiz ti dir lo Levi: Donn Levi, sa enn ki lwayal anver ou ou Toumim ek ou Ourim. Ou ti teste li Massa, e ou ti provok li kot sours Meriba.

Deterononm 33:9

Lo size son papa ek son manman, Moiz ti dir: Mon pa konn zot. I ti inyor son bann frer; i pa ni rekonnet son bann zanfan. Zot ti obzerv ou parol, zot ti gard ou lalyans.

Revelasyon 14:5

Dan zot labous pa'n sorti okenn mansonz; zot san okenn defo.

1 Samyel 2:12

Bann garson Eli ti bann zonm san okenn moral; zot ti napa respe pour SENYER.