Malasi 2:14 - Labib An Kreol Seselwa

¹⁴ Zot demande: Akoz ki i nepli aksepte zot lofrann? SENYER i pa aksepte ou lofrann akoz i ti temwen promes fidelite ki ou ti fer avek ou premye fanm, dan ou zenes. Sa fanm ti ou konpanny ki osi ou fanm dapre sa ki ou'n promet.

Malasi 2:14 ပူးပေါင်းရင်းမြစ်များ

Zenez 2:18

SENYER Bondye ti dir: I pa bon pour zonm reste tousel. Mon pou fer en led ki pou byen dakor avek li koman son konpannyon.

Zenez 31:50

Si ou maltret mon bann fiy, si ou pran lezot fanm, pa avek zonm ki ou annan zafer, me Bondye i temwen ant ou ek mwan.”

Proverb 2:17

I'n abandonn son premye lanmoure e oubliy lalyans son Bondye.

Proverb 30:20

La koman en fanm adilter i konport li: I manze, eswiy son labous, e dir: Mon pa'n fer nanryen mal.

Proverb 5:20

Mon garson! Akoz ou al rod plezir avek fanm en lot e kares tete en fanm ki ou pa konnen?

Eklezyas 9:9

Profit byen lavi avek fanm ki ou kontan, sa enn ki Bondye in donn ou pour viv avek pandan ou bann zour initil. Sa i ou par dan lavi e rezilta travay ki ou fer anba soley.

Kantik Salomon 1:15

Ou vreman zoli, mon byenneme. Wi! Ou vreman zoli. Ou lizye i zoli parey bann Tourtrel. Zenn fiy

Ezai 54:6

SENYER in apel ou ankor; parey en fanm ki son mari in abandonn li, ki dan traka, parey en fanm ki son mari, lanmoure son lazenes in rezete, ou Bondye i dir:

Ezai 58:3

Akfer nou fer en zenn si ou pa war nou? Akfer nou imilye nou, si ou pa pran ka? Zour zot fer en zenn, zot rod zot prop lentere e zot kraz tou zot bann travayer.

Zeremi 29:23

Tousala pou arive, akoz zot in fer en keksoz degoutan dan Izrael: Zot in komet adilter avek fanm zot vwazen e zot in koz manti lo mon non, bann parol ki mon pa ti'n ordonn zot. Mon konnen, e mon temwen tousala. SENYER ki deklare.

Zeremi 42:5

Zot ti dir Zeremi, “Nou promet pour fer egzakteman tou sa ki SENYER ou Bondye i ava anvoy ou dir nou. Nou pran li koman temwen sir lo sa promes ki SENYER in anvoy avek ou pour nou.

Zeremi 8:12

Zot pa ti ni menm onte, kan zot ti komet bann aksyon degoutan. Zot pa ni menm rekonnet zot tor. Alor, SENYER i deklare: Zot pou tonbe avek lezot ki mon pou pini. Personn pa pou kapab leve.

Zeremi 9:2

Si selman mon ti annan en landrwa dan dezer kot mon ti ava kapab ale, lwen avek mon pep! Zot tou, zot en bann tret ki viv dan adilter.

Ezekyel 16:8

Mon ti repas la kot ou ti ete e mon ti get ou; ou ti'n ganny laz pour fer lanmour. Alor, mon ti kouver ou avek en bout mon lenz, akoz ou ti touni. Mon ti promet ou fidelite e fer en lalyans avek ou; ou ti vin pour mwan. Senyer BONDYE ki'n deklare.

Mise 1:2

Ekoute! Zot tou bann nasyon! Later ek tou son zabitan! Ekoute. Senyer BONDYE pou akiz zot depi son tanp sen.

Malasi 2:15

Bondye pa i'n fer zot en sel lekor e donn zot sa menm souf lavi? Son sel dezir se ki zot ganny zanfan ki vin vreman pep Bondye. Alor, fer atansyon ki personn pa kas promes fidelite ki i'n fer avek son fanm dan son zenes.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Malasi 3:8

Dir mwan, eski en zonm i kapab vol Bondye? Pourtan, zot pe vol mwan. Me zot demande: Ki mannyer nou pe vol ou? Zot pe vol mwan dan zot ladim e dan zot bann lofrann.

Ziz 11:10

Bann ansyen dan Galaad ti dir Zefte, “SENYER ava temwen antre nou si nou pa azir parey ou'n dir.”

1 Samyel 12:5

I ti dir zot ankor, “SENYER i temwen kont zot e sa enn ki'n ganny lonksyon i temwen ozordi, ki zot pa'n war nanryen dan mon lanmen.” Lepep ti dir: Wi! Nou temwen.