Malasi 2:12 - Labib An Kreol Seselwa

¹² Mon demande ki SENYER i detri sa zonm ki'n fer sa aksyon parmi pep Izrael, e nenport ki, menm sa enn ki anmenn en lofrann devan SENYER liniver.

Malasi 2:12 ပူးပေါင်းရင်းမြစ်များ

1 Kronik 25:8

Zot ti tir osor pour determin lord servis, san fer diferans ant zenn ek vye ni santer eksperyanse avek novis.

Ezai 61:8

Mwan SENYER, mon kontan lazistis; mon deteste vol ek tou aksyon enzis. Pour sa rezon, dan mon fidelite, mon pou rekonpans zot dapre zot merit e mon pou etabli en lalyans eternel avek zot.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Ezekyel 14:10

Zot pou sibir konsekans zot fot: Sa profet ek sa enn ki'n vin konsilte li in komet menm fot.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Oze 9:12

Menm si zot fer grandi zot zanfan, mon pou pran zot tou, san les en sel. Maler lo zot kan mon kit zot!

Levitik 18:29

Sa enn ki pratik okenn sa bann aksyon degoutan pou ganny sase parmi son pep.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Zakari 12:7

SENYER pou sov bann fanmir Zida an premye. Konmsa, laglwar tribi David e laglwar zabitan Zerizalenm pa pou siperyer ki pour Zida.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Malasi 2:10

Nou tou, pa nou annan en sel papa, en sel Bondye ki'n kree nou? Alor, akoz nou tronp kanmarad e kas lalyans ki Bondye in fer avek nou bann zanset?

Nonm 24:5

Zakob! Ou bann latant, Ou bann abitasyon ek ou demer i zoli, Izrael!

Matye 15:14

Les zot! Zot en bann aveg ki pe kondwir bann aveg. Ler en dimoun aveg i kondwir en lot aveg, tou le de i tonm dan rigol.”

2 Timote 3:13

Me bann malfeter ek bann tronper pou touzour fer progre dan sa ki mal. Zot pou tronp lezot, me zot osi, zot pou ganny tronpe.

Revelasyon 19:20

Sa bebet ti ganny kaptire, ensi ki sa fo profet ki ti'n fer bann siny devan li; bann siny ki ti tronp bann ki ti'n resevwar mark sa bebet ek bann ki ti ador son stati. Tou le de ti ganny zete vivan dan lak dife kot souf ti pe brile.

1 Samyel 3:14

Alor, mon'n fer en serman konsernan fanmir Eli; akoz sa krim, mon pa pou zanmen aksepte ni sakrifis, ni lofrann.”