Malasi 2:10 - Labib An Kreol Seselwa

¹⁰ Nou tou, pa nou annan en sel papa, en sel Bondye ki'n kree nou? Alor, akoz nou tronp kanmarad e kas lalyans ki Bondye in fer avek nou bann zanset?

Malasi 2:10 ပူးပေါင်းရင်းမြစ်များ

Nehemi 13:29

Mazin zot, mon Bondye, akoz zot in sali saserdos ek lalyans bann pret ek bann levit.

Liv Zob 31:15

Menm Bondye ki ti kre mwan, i'n osi kre mon bann travayer.

Psonm 100:3

Rekonnet ki SENYER i li menm Bondye ki'n kree nou e ki nou pour li. I nou berze e nou, nou son pep e mouton son troupo.

Egzod 19:4

Zot in war sa ki mon ti fer avek Lezip: Mon ti anmenn zot, parey en leg i anmenn son piti lo son lezel, e mon'n fer zot retourn kot mwan.

Egzod 19:5

Apartir ozordi, si zot ekout mwan e gard mon lalyans, zot pou vin mon prop posesyon parmi tou bann pep. Later antye i pour mwan.

Egzod 24:3

Moiz ti vin raport avek lepep tou bann parol SENYER ek tou son bann regleman. Lepep antye ti reponn avek en sel lavwa: Nou pou fer tou sa ki SENYER in dir.

Egzod 24:7

Apre, i ti pran liv Lalyans e lir devan lepep. Zot ti dir: Nou pou fer tou sa ki SENYER in dir e nou pou obei li.

Ezai 43:1

Aprezan, la sa ki SENYER i deklare; Zakob! Mwan ki'n kree ou! Izrael! Mwan ki'n form ou! Pa bezwen per! Mwan ki'n sov ou! Mon'n apel ou par ou non: Ou pour mwan!

Ezai 43:15

Mwan menm SENYER, ou Bondye Sen, Kreater Izrael, ou Lerwa.

Ezai 43:7

Retournen, zot tou ki port mon non, zot ki mon'n kree pour mon laglwar, ki mon'n formen e fer.

Ezai 44:2

La sa ki SENYER ki'n fer ou, ki'n form ou dan vant ou manman e ki pou ed ou, i deklare: Zakob mon serviter! Pa per. Yesouroun! Ou, ki mon'n swazir!

Ezai 51:2

Lev zot lizye ver Abrahanm, zot zanset e ver Sara ki'n donn zot nesans. Abrahanm ti napa zanfan ler mon ti apel li; apre, mon ti beni li e donn li bokou desandans.

Ezai 63:16

Pourtan, menm si Abrahanm pa konn nou e Izrael pa rekonnet nou, se ou ki nou papa; Ou menm SENYER ki nou Papa; ou menm nou Sover; sa i ou non depi touzour.

Ezai 64:7

Personn pa apel ou ni esey atas li avek ou, akoz ou'n kasyet nou ou figir e les nou pese dormi lo nou.

Ezai 64:8

Malgre sa SENYER, ou menm nou Papa; nou, nou larzil e ou, ou potye ki fasonn nou; nou tou, nou rezilta travay ki'n sorti dan ou lanmen.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Ezekyel 33:24

Ou ki en imen, ekoute: Bann zabitan dan bann landrwa devaste dan pei Izrael pe kontinyen dir: Abrahanm ki ti en zonm tousel, me i ti ganny posesyon sa pei. Tandis ki nou, nou nonbre, alor, se nou ki devre ganny posesyon sa pei.

Malasi 1:6

SENYER liniver i dir avek bann pret: En zanfan, i obei son papa; en serviter, i respekte son met. Si mon en papa pour zot, oli loner ki mon merite? Si mon zot sef, akoz zot napa respe anver mwan, SENYER liniver i demann avek bann pret ki mepriz li. Me zot demande: Ki mannyer nou'n mepriz ou?

Malasi 2:11

Zida pa'n reste fidel anver Bondye. Zot in komet en akt degoutan dan pei antye e dan Zerizalenm. Zot in mank respe anver sanktyer ki SENYER i kontan. Zot in marye avek bann fanm etranze ki ador lezot bondye.

Malasi 2:8

Me zot bann pret, zot pa'n swiv sa semen drwat; zot in fer bokou dimoun tonbe par zot lansennyman. Zot in detri lalyans avek Levi, SENYER liniver ki deklare.

Matye 10:21

En frer pou denons son prop frer pour li ganny touye. Papa pou denons son prop zanfan. Bann zanfan pou tourn kont zot paran e fer zot ganny kondannen anmor.

Matye 22:16

Zot ti anvoy serten zot bann disip ek serten manm dan parti Herod kot Zezi pou dir li, “Met! Nou konnen ki ou fran e ki ou ansenny semen Bondye dan tou laverite, san les personn enfliyans ou, akoz ou pa fer lapreferans pour personn.

Matye 3:9

Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Levanzil dapre Lik 1:73

Par serman ki i ti fer avek nou zanset Abrahanm,

Levanzil dapre Lik 3:8

Alor, prodwi bann bon fri ki montre ki zot in konverti. Pa zis dir dan zot menm: Abrahanm i nou papa. Les mwan dir zot ki Bondye i kapab servi sa bann ros ki la, pour fer zot vin desandans Abrahanm.

Levanzil dapre Zan 8:39

Zot ti reponn li, “Abrahanm i nou papa.” Zezi ti dir zot, “Si zot ti vreman zanfan Abrahanm, zot ti ava azir parey Abrahanm ti azir.

Levanzil dapre Zan 8:41

Zot, zot fer menm aksyon ki zot papa.” Zot ti reponn li, “Nou pa bann zanfan ilezitim. Nou annan en sel Papa: Bondye.”

Levanzil dapre Zan 8:53

Nou papa, Abrahanm, in mor. Ou mazinen ou pli gran ki li? Bann profet osi in mor. Alor ki ou krwar ou ete?”

Levanzil dapre Zan 8:56

Zot papa Abrahanm ti war mon zour e i ti rezoui. I ti war, e sa ti fer li ere.”

Akt de Zapot 17:24

Bondye ki'n kree lemonn ek tou sa ki ladan, i Senyer lesyel ek later. I pa reste dan bann tanp ki'n ganny konstri par lanmen zonm.

Akt de Zapot 17:25

I pa bezwen ki zonm i okip li e fer nenport kwa pour li, akoz li menm ki donn tou dimoun lavi, respirasyon ek tou leres.

Akt de Zapot 17:26

Apartir en sel zonm, i'n kree tou bann nasyon dan lemonn e etabli zot lo later antye. Li menm ki davans in fikse letan egzakt e limit bann rezyon kot zot devre reste.

Akt de Zapot 7:2

Etyenn ti reponn: Mon bann frer e mon bann papa! Ekout mwan. Bondye dan son mazeste ti aparet avek nou zanset Abrahanm, kan i ti pe reste dan Mezopotami, avan ki i ti al reste Harann.

Akt de Zapot 7:26

Lannmen, Moiz ti war de Izraelit pe lager e i ti oule met lape ant zot. I ti dir zot: Mon bann zanmi! Zot frer, akoz zot pe maltret kanmarad?

Romen 4:1

Alor, ki nou pou dir lo Abrahanm nou zanset? Kwa ki in gannyen koman en zonm?

Romen 9:10

Sa pa tou. I annan osi Rebeka ki ti ganny de zanfan pour en sel zonm: Izaak, nou zanset.

1 Korentyen 8:6

pour nou, i annan en sel Bondye, Papa, kot tou keksoz i sorti, e pour ki nou egziste. I osi annan en sel Senyer, Zezi-Kri, par ki tou keksoz i egziste e par ki nou egziste.

Efezyen 4:25

Pour sa rezon, rezet tou mansonz! Sakenn i devre dir laverite avek son prosen, akoz nou tou, nou manm en menm lekor.

Efezyen 4:6

I annan en sel Bondye e Papa tou dimoun, ki renny lo tou, ki azir par tou e ki reste dan tou.

1 Tesalonisyen 4:6

Personn pa devre fer ditor son prosen, ni tronp son frer dan sa zafer, akoz Senyer i pini bann aksyon parey. Nou'n deza averti zot lo sa size.

Ebre 12:9

Pa oubliye ki sakenn nou, nou ti annan en papa lo sa later; i'n koriz nou e nou'n annan respe pour li. Sa i donn nou plis rezon pour nou soumet nou avek nou Papa ki dan lesyel pour nou resevwar lavi.

Zozye 24:3

Mon ti pran zot papa Abrahanm depi lot kote larivyer; mon ti kondwir li atraver pei Kanaan antye; mon ti ogmant son desandans e mon ti donn li Izaak.