Malasi 1:8 - Labib An Kreol Seselwa

⁸ Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Malasi 1:8 ပူးပေါင်းရင်းမြစ်များ

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

Psonm 20:3

I ava mazin tou ou bann lofrann e aksepte ou bann sakrifis konplet.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Agze 1:1

Premye zour, sizyenm mwan, dan dezyenm lannen ki Dariis ti lerwa Lapers, SENYER liniver ti adres profet Agze en mesaz pour gouverner rezyon Zida, Zorobabel, garson Sealtiel, e pour Gran-Pret Zozye, garson Yosadak.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Malasi 1:7

Kan zot ofer sakrifis nouritir ki enpir lo mon lotel, zot demande: Ki mannyer nou'n profann ou lotel? Kan zot pa rekonnet lenportans lotel SENYER.

Deterononm 15:21

Me si sa zannimo i annan en grav defo; si i bwete oubyen si i aveg, ou pa pou ofer li an sakrifis pour SENYER, ou Bondye.