Malasi 1:7 - Labib An Kreol Seselwa

⁷ Kan zot ofer sakrifis nouritir ki enpir lo mon lotel, zot demande: Ki mannyer nou'n profann ou lotel? Kan zot pa rekonnet lenportans lotel SENYER.

Malasi 1:7 ပူးပေါင်းရင်းမြစ်များ

Ezekyel 41:22

en lotel an bwa en met edmi oter, en met longer e en met larzer; son kwen, son sipor ek son bann kote, tou ti an bwa. Sa zonm ti dir mwan: Sa i latab ki'n ganny plase devan SENYER.

Ezekyel 44:16

Zot ki pou antre dan mon sanktyer; zot ki pou apros mon latab pour servi mwan e zot ava responsab mon servis.

Levitik 2:11

Tou lofrann vezetal ki ganny ofer devan SENYER pa devre annan lelven. Ou pa devre servi ni lelven, ni dimyel dan sakrifis brile pour SENYER.

Levitik 21:6

Zot ava reste sen pour zot Bondye e pa dezonor non zot Bondye. Annefe, zot ki ofer Bondye bann sakrifis ki ganny brile, nouritir zot Bondye. Alor, zot ava sen.

Levitik 21:8

Ou ava konsider bann pret koman sen, akoz zot ofer nouritir ou Bondye. Zot ava sen pour mwan SENYER, akoz mwan ki rann zot sen.

Levitik 3:11

En pret ava bril sa bann morso lo lotel. Sa i ava en nouritir, brile pour SENYER.

Malasi 1:12

Me zot, zot in rann enpir mon lotel kan zot dir mon lotel in ganny sali e lofrann nouritir napa gran valer.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

1 Korentyen 10:21

Zot pa kapab bwar dan lakoup Senyer e dan lakoup demon anmenmtan. Zot pa kapab manz otour latab Senyer e otour latab demon anmenmtan.

Deterononm 15:21

Me si sa zannimo i annan en grav defo; si i bwete oubyen si i aveg, ou pa pou ofer li an sakrifis pour SENYER, ou Bondye.