Malasi 1:4 - Labib An Kreol Seselwa

⁴ Si Edonm i dir: Nou landrwa in ganny detri, me nou pou rekonstri li, la sa ki SENYER liniver i deklare: Zot kapab rekonstri li, me mon pou kraz li ankor. Dimoun pou apel li pei modi e en pep ki toultan fer SENYER ankoler.

Malasi 1:4 ပူးပေါင်းရင်းမြစ်များ

Liv Zob 12:14

Sa ki Bondye in demoli, personn pa kapab rekonstri. Personn pa kapab delivre sa enn ki i met dan prizon.

Liv Zob 34:29

Si Bondye i reste trankil, lekel ki kapab kondann li? Si i kasyet son figir, lekel sa nasyon oubyen sa zonm ki pou kapab war li?

Liv Zob 9:4

Bondye i ranpli avek lasazes ek pwisans. Lekel ki kapab reziste li san sibir bann konsekans?

Psonm 127:1

Si SENYER pa konstri lakaz, bann konstrikter i travay anven. Si SENYER pa gard lavil, bann gardyen i vey anven.

Psonm 137:7

SENYER! Pa oubliy sa ki bann Edomit ti dir zour Zerizalenm ti tonbe. Zot ti dir: Kraz sa lavil! Kraz sa lavil! Kraz li ziska son fondasyon!

Psonm 33:10

SENYER i kas plan bann nasyon; i anpes zot realiz zot bann proze.

Proverb 21:30

Napa okenn lasazes imen, okenn rezonnman, okenn konsey imen, ki kapab tenir devan SENYER.

Ezai 10:4

Ou pou kapab zis akroupi parmi bann prizonnyen, oubyen tonm parmi bann viktim lager. Malgre sa, lakoler SENYER pa kalme; son lebra i kontinyen reste leve.

Ezai 11:14

Ansanm, zot pou atak bann Filisten dan Was. Ansanm, zot pou depouy bann zabitan dan Les. Edonm ek Moab pou tonm dan zot lanmen e bann Amonit pou anba zot dominasyon.

Ezai 34:10

I pou kontinyen brile lannwit koman lizour; lafimen pou mont ver lesyel pour touzour; i pou reste an rin pandan tou bann zenerasyon. Dimoun pou nepli pas par la.

Ezai 34:5

Mon lepe in aparet dan lesyel; i pou desann lo bann Edomit, lo sa pep ki mon'n kondannen pour destriksyon.

Zeremi 31:17

I annan lespwar pour ou lavenir, SENYER i deklare. Ou bann zanfan pou retourn dan zot pei.

Zeremi 49:20

Alor, ekout proze ki SENYER in fer kont bann zabitan Edonm, e bann plan ki i'n prepare kont bann zabitan lavil Temann. Menm bann zanfan pou ganny trennen deor, parey zannimo; e tou dimoun pou reste soke.

Zeremi 49:7

Konsernan Edonm, la sa ki SENYER liniver i deklare: Eski nepli annan dimoun saz dan Temann? Eski nepli annan okenn konseye parmi bann zonm pridan? Eski tou zot lasazes in koronpi?

Zeremi 49:8

Zabitan Dedann! Sove! Retournen! Al kasyet dan bann kavern. Mon pe anvoy katastrof Ezai lo li, akoz letan in arive pour mwan pini zot.

Zeremi 5:17

Zot pou devor tou: Rekolt ek zot nouritir. Zot pou touy bann garson ek bann fiy. Zot pou masakre zot troupo ek zot betay. Zot pou detri bann plantasyon rezen ek bann pye fig. Tou bann lavil fortifye kot ou krwar ou an sekirite, pou ganny detri par zot larme ki pou masakre tou bann zabitan.

Lamantasyon 3:37

Personn pa kapab fer keksoz arive san ki SENYER i deside.

Ezekyel 11:10

Mon pou ziz teritwar Izrael e fer ou ganny masakre. Alor, ou ava konnen ki mwan menm SENYER.

Ezekyel 25:13

la sa ki Senyer BONDYE i deklare: Mon pou pran aksyon kont Edonm; mon pou ekstermin imen koman zannimo; mon pou devaste sa pei e masakre son zabitan par lager depi Temann ziska Dedann.

Ezekyel 25:14

Mon pou les mon pep Izrael tir vanzans kont Edonm. Izrael pou tret zot dapre mon gran lakoler e zot ava rekonnet mon vanzans, Senyer BONDYE i deklare.

Ezekyel 26:14

Mon pou fer ou vin parey en ros sek; ou pou vin en landrwa kot ou fer sek lasenn; lavil pa pou zanmen ganny rekonstri. Mwan, SENYER mon'n koze.

Ezekyel 35:4

Mon pou detri ou bann lavil e devaste ou pei. Alor, ou ava konnen ki mwan menm SENYER.

Ezekyel 35:9

Mon pou fer ou vin en rezyon devaste pour touzour; personn pa pou reste dan ou bann lavil. Alor, ou ava konnen ki mwan menm SENYER.

Amos 1:11

La sa ki SENYER i deklare: Akoz sa kantite krim pep Edonm, mon pa pou sanz mon desizyon. Akoz zot ti sas zot frer avek lepe, san pran okenn konpasyon, zot ti kontinyen dan zot lakoler e kontinyelman gard rankin.

Amos 3:15

Mon pou detri zot bann rezidans liver ek zot bann pale lete. Mon pou detri tou sa bann pale ki'n ganny dekore avek livwar. Tou sa bann gran lakaz pou disparet. SENYER ki deklare.

Amos 5:11

Zot in kraz dimoun pov, zot in pran pardfors en parti zot rekolt. Pour sa rezon, zot pa pou viv dan bann lakaz fer avek ros taye e ki zot in konstri. Zot pa pou bwar diven sorti dan zot bann plantasyon rezen.

Amos 6:11

Annefe, SENYER i donn lord: Kraz bann gran lakaz; met an morso bann pti lakaz.

Amos 6:2

Al lavil Kalne e get sa ki pe pase. Apre, al dan sa gran lavil Hamat, e desann Gat, kot bann Filisten. Eski zot vo plis ki sa bann rwayonm? Eski zot pei i pli gran ki pour ou?

Abdyas 1:1

Vizyon Abdyas. La sa ki Senyer BONDYE i dir lo size Edonm: Senyer BONDYE i anvoy son mesaze kot bann nasyon e nou'n antann son mesaz: Annou met nou pare! Annou al atak Edonm!

Abdyas 1:10

Akoz ou depouy e touy ou frer Zakob, ou pou ganny kouver avek laont e ou pou ganny detri pour touzour.

Malasi 1:3

e mon'n ay Ezai. Mon'n devaste son rezyon montanny e fer landrwa kot son desandan ti reste, vin en landrwa devaste pour sakal, sa zannimo ki viv dan dezer.”

Matye 12:30

Sa enn ki pa avek mwan i kont mwan. Sa enn ki pa rasanble avek mwan i disperse.