Malasi 1:11 - Labib An Kreol Seselwa

¹¹ Depi soley leve ziska soley kouse, partou dan lemonn, dimoun i onor mwan. Partou, zot bril lansan e prezant en lofrann pir, akoz mon non i gran parmi bann nasyon, SENYER liniver ki deklare.

Malasi 1:11 ပူးပေါင်းရင်းမြစ်များ

1 Kronik 16:25

SENYER i gran e merit ganny loue. I pli terib ki tou lezot bondye.

Psonm 111:9

In donn delivrans son pep; in donn li son lalyans pour touzour. Son non i sen e formidab.

Psonm 113:3

Loue non SENYER depi soley leve ziska soley kouse.

Psonm 138:5

Zot pou sant lo sa ki SENYER in fer e dir: Laglwar SENYER i gran.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Psonm 45:17

Mon pou fer rapel ou non dan tou bann zenerasyon. Alor, tou bann pep ava loue ou pour touzour.

Psonm 48:10

Mon Bondye! Ou non ek ou grander i ganny selebre partou lo later. Ou ranpli avek lazistis.

Psonm 48:11

Montanny Siyon i dan lazwa, bann lavil Zida i selebre, akoz ou bann zizman.

Psonm 50:1

Bondye Toupwisan, SENYER Bondye in koze e i konvok later antye depi en bout later ziska lot.

Psonm 65:9

Ou pran swen avek later. Ou fer lapli tonbe, ou anrisi li e rann li fertil. Larivyer Bondye i plen avek delo; ou donn bon rekolt bann zabitan later. La koman ou prepar later:

Psonm 67:2

Alor, partou lo later, dimoun ava konn ou semen; tou bann nasyon ava konnen ki ou menm Sover.

Psonm 86:9

Tou bann nasyon ki ou'n kree pou prosternen devan ou, SENYER e zot ava rann glwar ou non.

Psonm 96:8

Rekonnet laglwar ki non SENYER i merite. Anmenn zot lofrann e antre dan lakour tanp.

Ezai 12:4

Sa zour, ou pou dir: Loue SENYER, envok son non. Fer bann nasyon konnen tou bann mervey ki i'n fer.

Ezai 12:5

Sante devan SENYER akoz in fer gran mervey. Anons tousala lo later antye.

Ezai 19:21

SENYER ava fer bann Ezipsyen konn li, e sa zour, zot ava konn SENYER. Zot ava ador li e ofer li bann sakrifis e bann sakrifis konplet; zot ava gard bann ve ki zot ava fer anver SENYER.

Ezai 30:27

Gete! La SENYER pe vini. I sorti lwen. Son lakoler i en dife ki'n alimen; en gro lafimen ki monte. Son lalev i deborde avek lakoler e son lalang i parey en dife ki devor tou.

Ezai 45:6

pour ki, depi kot soley i leve, ziska kot i kouse, tou dimoun ava konnen ki apard mwan, napa en lot. Zis mwan ki SENYER e napa en lot.

Ezai 54:5

akoz ou mari, li menm ou Kreater; son non i SENYER liniver. Sa enn ki Sen dan Izrael, li menm ki ou Sover, i apel Bondye later antye.

Ezai 59:19

Alor, depi dan Was, dimoun pou respekte non SENYER, depi dan Les, son laglwar; akoz i pou vini parey en larivyer deborde, pouse par souf SENYER.

Ezai 66:18

Mon konn sa ki zot fer e sa ki zot mazinen. Mon pe vin rasanble tou bann nasyon e tou bann pep. Zot pou vini e zot pou war mon laglwar.

Zeremi 10:6

SENYER! Napa personn parey ou. Ou gran e ou non i gran e pwisan.

Zeremi 10:7

Tou dimoun i devre rekonnet ou lotorite, koman lerwa tou bann pep. Ou tousel ki merit ganny sa loner. Parmi tou bann saz omonn, parmi tou bann lerwa, napa ki parey ou.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Danyel 2:45

Ou ti war sa ros sorti dan montanny, san lentervansyon okenn lanmen, e i ti kraz fer, bronz, later, larzan ek lor. Bondye ki gran in fer konnen lerwa sa ki pou arive dan lavenir. Sa rev i vre e son lenterpretasyon i bon.

Amos 9:12

Alor, pep Izrael ava kapab repran posesyon restan rwayonm Edonm ek tou bann nasyon ki ti ador mwan. SENYER i deklare, ki i pou fer sa.

Mise 5:4

Ou pou leve e nouri zot avek pwisans SENYER, avek mazeste non SENYER, son Bondye. Son pep ava viv an sekirite, e li, i ava ganny glorifye partou dan lemonn.

Sofoni 2:11

SENYER pou azir dan en fason terib kont zot. I pou detri tou bann bondye lo later. Bann nasyon dan bann zil lwenten, pou prosternen devan li.

Sofoni 3:9

Alor, mon pou pirifye labous bann pep, pour ki zot tou, zot envok non SENYER e servi mwan avek en menm leker.

Zakari 8:7

La sa ki SENYER liniver i deklare: Mon pou sov mon pep ki dan bann pei Les e dan bann pei Was.

Malasi 1:14

Bondye pou modi sa voler ki tronp li avek en zannimo taste, kan dan son troupo, i annan en zannimo mal, byen portan. Mon en gran lerwa, e mon non i ganny respekte parmi bann nasyon. SENYER liniver ki deklare.

Malasi 3:3

Parey kan en fonder metal i asiz pour li fonn e pirifye lor ek larzan, SENYER pou pirifye bann desandans Levi. Alor, zot ava kapab ofer lofrann dapre lareg ki'n ganny etabli.

Nonm 7:74

en lakoup annor ki ti pez 100 granm, ranpli avek lansan,

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Matye 8:11

Mon dir zot ki bokou dimoun pou sorti dan Les e dan Was, pou pran plas dan repa avek Abrahanm, Izaak ek Zakob, dan Rwayonm lesyel.

Levanzil dapre Lik 1:10

Pandan ki Zakari ti pe bril lansan dan Tanp, lafoul ti pe priye deor.

Romen 12:1

Alor, mon bann frer ek ser! Pour tou sa bonte ki Bondye in manifeste anver nou, mon ankouraz zot pour ofer zot lekor koman en sakrifis vivan, sen e agreab, devan Bondye. Sa i ava zot ladorasyon spirityel.

Romen 15:16

pour fer mwan vin serviter Zezi-Kri pour bann pep ki non-Zwif. Mon pe fer en servis sakre, anonsan Bonn Nouvel Bondye, pour ki bann non-Zwif i vin en lofrann agreab pour Bondye, konsakre par Lespri Sen.

Filipyen 4:18

Mon sertifye donk, ki mon ti ganny tou sa ki zot ti anvoy mwan; e sa ti plis ki sifizan. Aprezan ki Epafrodit in anmenn mwan zot bann kado, mon annan tou sa ki neseser. Sa bann kado i koman en sakrifis ki Bondye i aksepte e ki fer li plezir.

2 Tesalonisyen 1:12

Alor, non nou Senyer Zezi ava ganny glorifye par zot, e Senyer ava onor zot. Tousala i en don ki sorti kot nou Bondye, ek Senyer Zezi-Kri.

1 Timote 2:8

Alor, mon demande ki bann zonm i priye partou; ki zot lev lanmen ver lesyel avek en leker pir, san okenn lakoler, ni dispit.

Revelasyon 11:15

Setyenm lanz ti soufle dan son tronpet. Dan lesyel, bann lavwa tre for ti rezonnen. Zot ti pe dir: Aprezan, rwayonm lemonn in vin pour nou Senyer, e pour son Kris. I pou rennyen pour touzour.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

Revelasyon 5:8

Kan i ti pran sa liv, sa kat et vivan ek sa 24 ansyen ti prosternen devan sa Zenn Mouton. Sakenn ti annan en laarp ek bann lakoup annor ranpli avek lansan ki reprezant lapriyer bann krwayan.