Liv Zob 42:9 - Labib An Kreol Seselwa

⁹ Alor, Elifaz ki sorti Temann, Bildad ki sorti Soua, ek Sofar ki sorti Naama, ti al fer sa ki SENYER ti'n dir zot, e SENYER ti aksepte lapriyer Zob.

Liv Zob 42:9 ပူးပေါင်းရင်းမြစ်များ

Ebre 11:8

Par lafwa, Abrahanm ti obei, kan Bondye ti apel li: I ti al dan en pei ki i ti pou resevwar koman son posesyon. I ti kit son prop pei san konnen kote i ti pe ale.

Akt de Zapot 9:6

Me leve, al dan lavil e la, ou ava ganny dir tou sa ki ou annan pour fer.

Akt de Zapot 10:33

Deswit mon'n anvoy dimoun sers ou, e ou'n aksepte vini. Aprezan, nou'n rasanble devan Bondye pour ekout mesaz ki Senyer in ordonn ou pour dir nou.”

Matye 7:24

Alor, sa enn ki ekout mon bann parol e met zot an pratik, pou parey en zonm saz ki konstri son lakaz lo ros.

Levanzil dapre Zan 2:5

Alor, manman Zezi ti dir avek bann serviter, “Fer tou sa ki i ava dir zot.”

Ezai 60:14

Desandan bann ki kraz ou pou vin kot ou, latet bese; tou sa bann ki ti mepriz ou pou prostern devan ou. Zot pou apel ou Lavil SENYER, Siyon, lavil Bondye Sen Izrael.

Eklezyas 9:7

Ale, manz ou dipen avek lazwa e bwar ou diven avek en leker kontan; akoz Bondye in deza aprouv ou travay.

Liv Zob 42:8

Aprezan, pran set toro ek set bouk e al kot mon serviter Zob e ofer en sakrifis konplet pour zot menm. Mon serviter Zob ava priy pour zot e mon ava ekout son lapriyer. Konmsa, mon pa pou tret zot parey zot merite. Akoz zot pa'n koz laverite lo mwan, parey mon serviter Zob in fer.

Liv Zob 22:27

Kan ou ava priy li, i ava ekout ou; ou ava kapab tenir ou bann promes.

Liv Zob 2:11

Trwa zanmi Zob ti antann tou sa bann maler ki ti'n ariv li. Zot ti vini sorti dan zot pei: Elifaz sorti Temann, Bildad sorti Soua e Sofar sorti Naama. Zot ti tonm dakor pour al senpatiz avek li e konsol li.

Liv Zob 42:10

Apre sa, kan Zob ti'n fini priy pour son bann zanmi, SENYER ti redonn li larises. I ti donn li de fwa plis ki i ti annan avan.

Ezekyel 14:14

Menm si sa trwa zonm i parmi zot: Noe, Danyel ek Zob, zis zot ki ava sov zot lavi, par zot fidelite, Senyer BONDYE ki deklare.

Zenez 20:17

Apre, Abrahanm ti priy Bondye, ki ti geri Abimelek, son fanm ek son bann servant. Alor, zot ti kapab ganny zanfan.

Liv Zob 22:30

I delivre menm sa enn ki koupab; ou osi, ou ava ganny sove si ou gard ou lanmen prop.