Liv Zob 4:3 - Labib An Kreol Seselwa

³ Ou'n enstri bokou dimoun; ou'n redonn kouraz sa ki ti tro fatige.

Liv Zob 4:3 ပူးပေါင်းရင်းမြစ်များ

Zenez 18:19

Annefe, mon'n swazir li, pour li ansenny son bann zanfan ek son desandans apre li, pour zot gard komannman SENYER dapre lazistis ek ladrwatir. Konmsa, SENYER ava akonpli sa ki i'n promet Abrahanm.”

Esdras 6:22

Answit, pandan set zour, zot ti selebre dan lazwa lafet Dipen san lelven, akoz SENYER ti'n donn zot lazwa e i ti'n tous leker lerwa Lasiri dan zot faver. Sa ti ed zot dan travay tanp Bondye Izrael.

Liv Zob 16:5

Mon ti ava ankouraz zot avek en kantite parol, e kalmi zot douler avek bann zoli fraz.

Liv Zob 29:11

Bann zorey ki ti antann mwan ti felisit mwan. Bann lizye ki ti war mwan, ti koz an byen lo mwan.

Liv Zob 29:15

Mon ti gid bann aveg; mon ti mon ti lazanm bann ki bwete.

Liv Zob 29:16

Mon ti en papa pour bann pov, mon ti defann drwa bann etranze.

Liv Zob 29:21

Zot ti ekout mwan e espere an silans pour antann mon konsey.

Liv Zob 4:4

Ou bann parol in relev bann ki'n tonbe; ou'n donn kouraz sa enn ki zenou ti feb.

Proverb 10:21

Parol sa enn ki zis i nouri en lafoul; me bann fou i mor akoz zot latet i vid.

Proverb 15:7

Labous sa enn ki saz i senm konnesans; me leker sa enn ki bet pa vo nanryen.

Proverb 16:21

Sa enn ki leker i saz i annan disernman; en parol ki fer plezir i ogmant son savwar.

Ezai 35:3

Redonn lafors bann lanmen ki fatige; rann solid bann zenou ki pe tranble.

Ezai 50:4

Senyer BONDYE in ansenny mwan pour ankouraz sa ki feb, avek en bon parol. Tou le bomaten, i fer mon zorey drese; mon zorey i drese pour ekoute parey en disip.

Ezekyel 13:22

Par zot mansonz, zot dekouraz bon dimoun, kan mwan mon pa'n fer li, e zot in ankouraz bann malfeter dan zot mesanste e anpes zot kit zot move konportman. Alor, permet zot viv.

Sofoni 3:16

Sa zour, zot pou dir Zerizalenm: Lavil Siyon! Pa per. Pa dekouraze!

Levanzil dapre Lik 22:32

Me mon'n priy pour ou, pour ki ou pa perdi lafwa. Kan ou ava'n retourn ver mwan, ankouraz ou bann frer.”

Levanzil dapre Lik 22:43

Alor, en lanz sorti dan lesyel, ti aparet devan li pour ankouraz li.

Efezyen 4:29

Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.

Deterononm 3:28

Donn Zozye ou bann lord, ankouraz li, rann li for, akoz li menm ki pou diriz lepep e donn li patrimwann sa pei ki ou pou war.

Kolosyen 4:6

Veye ki zot parol i touzour agreab e enteresan, pour zot kapab donn bann repons valab tou dimoun.

Ebre 12:12

Pour sa rezon, lev zot lanmen fatige e fortifye zot zenou ki pe tranble.