Liv Zob 27:2 - Labib An Kreol Seselwa

² Par Bondye ki vivan, ki'n aras mwan mon bann drwa; par Bondye liniver ki'n fer mon leker gro:

Liv Zob 27:2 ပူးပေါင်းရင်းမြစ်များ

2 Samyel 2:27

Zoab ti reponn, “Par Bondye vivan, si ou pa ti'n koze, mon asir ou ki mon bann zonm ti ava'n kontinyen pourswiv zot ziska demen bomaten.”

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 18:15

Eli ti dir, “Par SENYER liniver ki vivan, mwan son serviter, ozordi, mon pou prezant mwan devan Akab.”

2 Rwa 4:27

Kan i ti ariv lo montanny kot profet Bondye, i ti sezi son lipye. Gehazi ti vini pour anpes li. Me Elize ti dir, “Les li trankil, akoz i dan en gran sagren ki SENYER in kasyet avek mwan; i pa'n revel avek mwan.”

Liv Zob 10:3

Ki plezir ou gannyen pour fer mwan soufer, pour ou mepriz ou prop kreatir e fer reisi proze bann malfeter?

Liv Zob 16:11

Bondye in abandonn mwan dan lanmen bann zenn bandi. In livre mwan dan lanmen bann malfeter.

Liv Zob 19:6

Bondye ki'n fer mwan soufer. In anvlop mwan dan son lasenn.

Liv Zob 23:16

Bondye in afebli mon kouraz; Bondye Toupwisan i ranpli mwan avek lafreyer.

Liv Zob 34:5

Zob in dir: Mon inosan, me Bondye in aras mwan mon drwa.

Liv Zob 35:2

Eski ou krwar i byen ler ou dir: Mwan, mon zis devan Bondye?

Liv Zob 40:8

Eski ou pou vreman kas mon zizman? Eski ou pou kondann mwan pour ou ganny rezon?

Liv Zob 9:17

Annefe, i kraz mwan par en tanpet, e i ogmant mon blesir san rezon.

Liv Zob 9:18

I pa donn mwan letan respire, me i ranpli mwan avek lanmertim.

Ezai 40:27

Zakob! Akoz ou dir? Izrael! Akoz ou repete: Ki pe arive ek mwan? Mon Bondye pa pran ka pour mwan.

Zeremi 12:16

Si zot senserman aksepte pour viv parey mon pep, si zot pret serman lo non SENYER ki vivan parey zot ti ansenny mon pep fer an loner Baal, alor zot osi, zot ava fer parti mon pep.

Zeremi 4:2

Si ou deklare senserman, e an verite: Mon fer serman devan SENYER ki vivan; alor, tou lezot nasyon ava demann mwan beni zot e zot ava loue mwan.

Zeremi 5:2

Kan zot deklare: Mon fer serman, lo non SENYER ki vivan, zot pe fer en fo serman.

Ezekyel 33:11

Osi vre ki mwan Senyer BONDYE, mon vivan, mon pa anvi ki en peser i mor, me sa ki mon anvi war, se ki i sanz son move konportman e ki i viv. Pep Izrael! Sanze, sanz ou move lavi. Pour ki rezon ou devre mor?

Nonm 14:21

Me osi vre ki mon vivan, e ki later antye i ranpli avek laglwar SENYER,

Rit 3:13

Reste isi pour leres lannwit, e demen bomaten, mon ava war. Si i oule pran son responsabilite anver ou, mon ava les li fer; me si i pa oule, bon, mon promet devan SENYER, mon pou pran mon responsabilite anver ou. An atandan, reste dormi ziska bomaten.”

1 Samyel 14:39

Par lavi SENYER, Sover Izrael, menm si sa i lafot mon garson Zonatan, i pou mor.” Me personn parmi lepep pa ti reponn.

1 Samyel 14:45

Alor, lepep ti dir Sail, “Kwa! Zonatan pou mor, li ki'n anmenn sa gran laviktwar pour Izrael? Zanmen! Par SENYER ki vivan, pa en sel bren seve lo son latet pou tonbe; se avek led Bondye ki i'n azir ozordi.” Konmsa ki pep Izrael ti sov Zonatan sa zour, e i pa ti mor.

1 Samyel 20:21

Alor, mon ava dir garson ki avek mwan: Al rod sa bann fles. Si mon dir sa garson: Sa bann fles i devan ou, ranmase! Alor ou ava sorti, par SENYER ki vivan, pou napa danze.

1 Samyel 25:26

Aprezan, par lavi SENYER e par ou prop lavi, pour ou prop byen, SENYER ki'n anpes ou vers disan pour vanze. Mon demande ki ou bann lennmi, bann ki oule fer ou dimal, i pas parey Nabal.

1 Samyel 25:34

Vreman, mon fer sa serman par SENYER, Bondye pep Izrael ki vivan, ki'n anpes mwan fer ou dimal. Si ou pa ti'n vin kot mwan deswit, demen bomaten Nabal pa ti pou annan en sel zonm vivan.”