Levitik 9:4 - Labib An Kreol Seselwa

⁴ en toro ek en mouton mal, pour prezant devan SENYER koman en sakrifis lape, ansanm avek en lofrann vezetal petri avek delwil. Ozordi SENYER pou aparet avek zot.”

Levitik 9:4 ပူးပေါင်းရင်းမြစ်များ

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Egzod 24:16

Lalimyer prezans SENYER ti reste lo montanny Sinai. En nyaz ti kouver montanny pandan sis zour. Setyenm zour, Bondye ti apel Moiz dan milye nyaz.

Egzod 29:43

La, mon pou rankontre pep Izrael. Sa landrwa ava ganny konsakre par mon laglwar.

Ezekyel 43:2

Mon ti war laglwar Bondye Izrael sorti lo kote Les. I ti parey tapaz en gro delo. I ti ekler later avek son laglwar.

Ezekyel 43:27

Apre sa set zour, bann pret ava ofer lo lotel, sakrifis konplet ek bann sakrifis lakominyon pour lepep. Alor, mon ava aksepte zot. Senyer BONDYE ki'n deklare.

Levitik 2:1

Si en dimoun i oule ofer SENYER en lofrann vezetal, i ava ofer son meyer lafarin. I ava vers delwil e met lansan lo la.

Levitik 3:1

Si en dimoun i ofer en sakrifis lape, i ava ofer en zannimo ki sorti dan son troupo bef. I ava ofer SENYER en mal oubyen en femel ki san defo.

Levitik 9:23

Moiz ek Aaron ti antre dan Latant Rankont. Kan zot ti sorti, zot ti beni lepep e laglwar SENYER ti aparet devan lepep antye.

Levitik 9:3

Ou ava dir pep Izrael: Pour sakrifis pardon pese, pran en bouk, en zenn bef ek en zenn mouton, aze enn an e san okenn defo; pour en sakrifis konplet,

Levitik 9:5

Zot ti anmenn devan Latant Rankont tou sa ki Moiz ti'n demande. Alor, pep Izrael antye ti aprose e rasanble devan SENYER.

Levitik 9:6

Moiz ti dir, “La sa ki SENYER in ordonnen pour fer, pour ki laglwar SENYER i aparet avek zot.”

Nonm 14:10

Kominote Izrael ti pe menase pour saboul zot avek ros, me en sel kou, laglwar SENYER ti aparet kot Latant, devan pep Izrael.

Nonm 16:19

Alor, Kore ti rasanble pep Izrael kont zot devan Latant Rankont SENYER. Laglwar SENYER ti aparet avek kominote antye.