Levitik 9:23 - Labib An Kreol Seselwa

²³ Moiz ek Aaron ti antre dan Latant Rankont. Kan zot ti sorti, zot ti beni lepep e laglwar SENYER ti aparet devan lepep antye.

Levitik 9:23 ပူးပေါင်းရင်းမြစ်များ

2 Kronik 7:1

Ler Salomon ti fini priye, dife ti desann sorti dan lesyel e ti bril sakrifis konplet ek lezot bann sakrifis. Laglwar prezans SENYER ti ranpli tanp.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Egzod 39:43

Kan Moiz ti war ki zot ti'n fer tou sa travay parey SENYER ti ordonnen, i ti beni zot.

Levitik 9:4

en toro ek en mouton mal, pour prezant devan SENYER koman en sakrifis lape, ansanm avek en lofrann vezetal petri avek delwil. Ozordi SENYER pou aparet avek zot.”

Levitik 9:6

Moiz ti dir, “La sa ki SENYER in ordonnen pour fer, pour ki laglwar SENYER i aparet avek zot.”

Nonm 14:10

Kominote Izrael ti pe menase pour saboul zot avek ros, me en sel kou, laglwar SENYER ti aparet kot Latant, devan pep Izrael.

Nonm 16:19

Alor, Kore ti rasanble pep Izrael kont zot devan Latant Rankont SENYER. Laglwar SENYER ti aparet avek kominote antye.

Nonm 16:42

Apre ki zot ti'n rasanble kont Moiz ek Aaron, ler zot ti tourn zot ver Latant Rankont SENYER, nyaz ti desann e kouver latant e laglwar SENYER ti aparet.