Levitik 8:7 - Labib An Kreol Seselwa

⁷ I ti met Aaron en semiz, anmar en sentir otour son leren, met li son rob avek lefod lo la, e anmar son sentir par deryer.

Levitik 8:7 ပူးပေါင်းရင်းမြစ်များ

Egzod 28:2

Ou ava fer bann labiyman sakre pour ou frer Aaron, pour mark son loner ek son dinyite.

Egzod 28:4

La bann labiyman ki zot ava fer: En pektoral, en lefod, en rob, en rob brode, en tirban ek en sentir. Zot ava fabrik sa bann ornman sakre pour ou frer Aaron ek son bann garson pour zot servi mwan koman pret.

Egzod 28:6

Zot ava fer lefod avek lor, lalenn kouler ble, rouz kler e rouz fonse, brode avek latwal linenn tre fen, en brodri rafinen.

Egzod 29:5

Ou ava pran bann labiyman. Ou ava met Aaron son lenz sakre: Semiz ek rob, lefod ek pektoral.

Ezai 61:10

Mon pou rezoui dan SENYER. Tou mon leker pou dan lazwa dan mon Bondye, akoz in abiy mwan dan lenz delivrans, in kouver mwan avek rob lazistis, parey en nouvo marye, parey en pret avek son zoli lornman, parey en nouvel marye dan tou son bann bizou.

Ezai 61:3

pour met en kouronn dan plas lasann lo latet dimoun dan Siyon ki dan sagren, delwil lazwa dan plas dey, lenz lafet dan plas en lespri dekouraze. Alor, zot ava ganny apele bann pye dibwa lazistis, en plantasyon ki montre laglwar SENYER.

Ezekyel 42:14

Bann pret ki antre dan sanktyer pa devre sorti direkteman dan lakour. Zot devre kit zot lenz sakre ki zot mete pour servi SENYER dan lasal. Zot devre met zot lenz ordiner avan al dan landrwa kot lepep i rasanble.

Romen 13:14

Abiy zot avek nou Senyer Zezi-Kri; pa les zot ganny antrennen par zot prop natir pour satisfer zot bann dezir.

Romen 3:22

Bondye i rann zonm zis devan li par lafwa dan Zezi-Kri. I fer sa pour tou dimoun ki krwar dan Kris, san distenksyon.

Galat 3:27

Wi! Zot tou ki'n ganny ini avek Kris par zot batenm, zot in osi ganny abiye par Kris.

1 Samyel 2:28

Mon ti swazir ou zanset parmi tou bann tribi Izrael pour fer li vin mon pret, pour li ofer lansan lo mon lotel, e pour li port en lefod dan mon prezans; mon ti donn ou zanset tou bann lofrann brile par dife, ofer par pep Izrael.