Levitik 8:6 - Labib An Kreol Seselwa

⁶ I ti al sers Aaron ek son bann garson e fer zot lav zot avek delo.

Levitik 8:6 ပူးပေါင်းရင်းမြစ်များ

Psonm 26:6

Mon lav mon lanmen pour montre mon linosans e mon fer letour ou lotel, SENYER.

Psonm 51:2

Lav mwan e retir mon bann fot. Pirifye mwan e anlev tou mon pese.

Psonm 51:7

Pirifye mwan avek brans izop e mon ava prop. Lav mwan e mon ava vin pli blan ki lannez.

Egzod 29:4

Ou ava anmenn Aaron ek son bann garson kot laport Latant Rankont e ou ava lav zot dan delo.

Egzod 30:19

Aaron ek son bann garson ava servi sa delo pour lav zot lanmen ek zot lipye.

Egzod 30:20

Kan zot antre dan Latant Rankont, zot ava lav zot avek delo, pour ki zot pa mor. Zot ava osi lav zot lanmen ek zot lipye kan zot apros lotel pour ofer sakrifis e bril bann lofrann pour SENYER. Konmsa, zot pa ava mor.

Egzod 40:12

Ou ava prezant Aaron avek son bann garson devan lantre Latant Rankont e ou ava lav zot dan delo.

Ezai 1:16

Lav zot! Pirifye zot! Tir sa bann move keksoz devan mwan. Aret fer sa ki mal.

Ezekyel 36:25

Mon pou asperz zot avek delo pir e fer zot vin pir. Mon pou pirifye zot avek tou zot bann aksyon ek tou zot bann zidol ki'n rann zot enpir.

Levitik 16:4

I devre met lo li son lenz sakre an linenn, son kannset linenn, en sentir linenn otour son leren, e kouver son latet avek en tirban linenn. Tousala i fer parti son labiyman sakre. I ava met sa labiyman apre ki i'n pran en ben.

Levitik 8:5

Moiz ti dir zot, “La sa ki SENYER in ordonnen fer.”

Zakari 13:1

Sa zour, en sours pou ouver pour tribi David e pour bann zabitan Zerizalenm. I pou pirifye zot pese ek zot bann lespri enpir.

1 Korentyen 6:11

Konmsa ki serten parmi zot ti ete. Me zot in ganny lave, pirifye, zistifye devan Bondye, lo non Senyer Zezi-Kri e par Lespri nou Bondye.

Efezyen 5:26

I'n fer sa pour konsakre Legliz pour Bondye, apre ki i'n pirifye li par delo ek laparol.

Ebre 10:22

Alor, annou apros ver Bondye avek en leker senser, ranpli avek konfyans, avek en leker pirifye avek tou sa ki donn en move konsyans e en lekor lave avek en delo pir.

Ebre 9:10

Sa bann rityel ti konsern zis manze, bwar ek seremoni pirifikasyon, ki ti valab an atandan ki tou ava ganny renouvle.

Revelasyon 7:14

Mon ti reponn li, “Mon senyer! Ou ki konnen.” Alor, i ti dir mwan, “Zot sa bann ki'n pas atraver en gran soufrans. Zot in lav zot rob e blansi li dan disan Zenn Mouton.