Levitik 7:31 - Labib An Kreol Seselwa

³¹ Pret ava bril lagres lo lotel, me pwatrin ava vin pour Aaron ek son bann garson.

Levitik 7:31 ပူးပေါင်းရင်းမြစ်များ

Egzod 29:26

Apre, ou ava pran lestoma sa mouton konsekrasyon ki pour Aaron; ou ava prezant li devan SENYER, dapre rityel. Sa morso i ava ou par.

Levitik 3:11

En pret ava bril sa bann morso lo lotel. Sa i ava en nouritir, brile pour SENYER.

Levitik 3:16

En pret ava bril sa bann morso lo lotel koman en lofrann brile par dife, ki anvoy en loder ki fer plezir. Tou lagres i ganny rezerve pour SENYER.

Levitik 3:5

Bann garson Aaron ava bril sa bann morso lo lotel ansanm avek sakrifis konplet ki'n ganny plase lo dibwa ki pe brile. Sa i ava en sakrifis brile par dife ki anvoy en loder ki fer plezir SENYER.

Levitik 5:13

Alor, pret ava fer rityel pardon pese sa zonm, pour nenport pese ki i'n komet, e i ava ganny pardonnen. Sa ki reste, ava vin par sa pret, parey dan ka en lofrann vezetal.

Levitik 6:16

Aaron ek son bann garson ava manz tou sa ki reste. Zot ava manz li koman bann gato san lelven, dan en landrwa sakre. Zot ava manz dan lakour Latant Rankont.

Levitik 6:26

Sa pret ki ofer sa sakrifis pour pardon pese ava manz en pe; i ava manz li dan en landrwa sakre, dan lakour Latant Rankont.

Levitik 7:34

Dan bann sakrifis lape ofer par pep Izrael, mon'n rezerv pwatrin ki'n ganny garde pour rityel prezantasyon ek porsyon kwis ki'n ganny met de kote. Mon donn pret Aaron pour touzour sa par ki mon'n tire lo par ki vin pour bann Izraelit.

Levitik 8:29

Moiz ti pran morso pwatrin sa mouton pour fer rityel prezantasyon lofrann devan SENYER. Sa ti porsyon pour Moiz, parey SENYER ti'n ordonn li.

Nonm 18:11

La ankor sa ki mon donn ou: Tou lofrann spesyal ki ganny ofer par lepep i pour ou, pour ou bann garson e ou bann fiy pour touzour. Tou manm ou fanmir, ou bann garson ek fiy ki pir ava kapab manze.

Nonm 18:18

Gard pour ou, lavyann en zannimo ki'n ganny ofer, son pwatrin ek son lazanm deryer kote drwat.

1 Korentyen 9:13

Zot konnen ki sa bann ki travay dan tanp, zot ganny zot manze dan tanp, e ki bann ki ofer sakrifis lo lotel, zot ganny zot par dan sa bann sakrifis.

Deterononm 18:3

La par ki bann pret ava gannyen lo sa ki lepep in ofer an sakrifis ki swa en bef oubyen en mouton: Zot ava ganny zepol, bann lanmaswar ek lestoma.