Levitik 7:18 - Labib An Kreol Seselwa

¹⁸ Si en dimoun i manz lavyann son sakrifis lape son trwazyenm zour, sa sakrifis pa pou konte, e sa dimoun pa pou ganny aksepte. I pa akseptab, e sa enn ki'n manz sa, ava responsab son fot.

Levitik 7:18 ပူးပေါင်းရင်းမြစ်များ

Proverb 15:8

SENYER i deteste sakrifis ofer par bann malonnet; me i pran plezir dan lapriyer sa enn ki zis.

Ezai 65:4

ki reste dan bann latonm e pas lannwit dan bann kavern ros; ki manz lavyann pork. Tou zot bann resipyan i ranpli avek manze enpir.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Zeremi 14:10

La sa ki SENYER i deklar avek sa pep: Wi, sa pep i kontan marsaye e al kot i anvi. Me sa pa fer plezir SENYER. Mon pa pou oubliy pese ki i'n fer. Mon pou pini li pour sa.

Zeremi 14:12

Menm si zot fer en zenn, mon pa pou ekout zot lapriyer; menm si zot ofer mwan bann sakrifis konplet ek lofrann vezetal, mon pa pou aksepte. O kontrer, mon pou detri zot par lager, lafanmin ek lepidemi.”

Ezekyel 18:20

Sa enn ki'n fer pese, se li menm ki pou mor. En garson pa pou ganny pini akoz fot son papa, ni en papa akoz fot son garson. En dimoun ki azir byen pou ganny rekonpanse pour azir dapre lazistis; sa enn ki move pou ganny pini pour tou bann mal ki i'n fer.

Oze 8:13

Menm si zot ofer sakrifis, menm si zot manz lavyann, SENYER pa pe aksepte zot. Aprezan, in rapel zot krim, e fer zot peye pour zot pese. Zot pou retourn Lezip.

Levitik 10:17

“Akoz zot pa'n manz sa lavyann sakrifis pour pardon pese dan en landrwa sen? Sa i en keksoz tre sen ki Bondye in donn zot pour zot delivre lepep avek son pese, e fer rityel pardon pour zot devan SENYER.

Levitik 10:19

Aaron ti reponn Moiz, “Ozordi, zot in prezant zot sakrifis pour pardon pese ek zot sakrifis konplet devan SENYER. Si ozordi, apre sa ki'n ariv mwan, mon ti'n manz sakrifis pour pardon pese, eski SENYER ti pou kontan?”

Levitik 11:41

Tou bann pti bebet ki ranpli later ava ganny konsidere degoutan; personn pa devre manz zot.

Levitik 17:16

Si i pa lav ni son lenz ni son lekor, i ava koupab pour son fot.

Levitik 19:5

Kan zot ofer SENYER en lofrann lape, fer li pour ki i ganny aksepte dan ou faver.

Levitik 20:17

Si en zonm i marye avek son ser, fiy son papa oubyen fiy son manman, e ki zot war touni kanmarad, sa i en aksyon ki fer onte. Zot devre ganny sase parmi lepep; i'n dormi avek son ser e i merit ganny pini.

Levitik 20:19

Ou pa devre dormi avek ser ou manman, ni ser ou papa. Si ou'n fer sa, ou'n dormi avek ou fanmir pros; tou le de ava ganny pini. Zot ava responsab konsekans zot move aksyon.

Levitik 22:16

Si zot manz bann lofrann sakre, zot ava pe komet en fot ki merit reparasyon. Mwan menm SENYER ki rann zot sen.

Levitik 22:23

Ou ava kapab prezant koman en sakrifis volonter, en bef, en mouton oubyen en kabri diform, ki annan en lapat pli long ki lot. Me i pa pou ganny aksepte pour en ve.

Levitik 22:25

Ou pa devre osi aksepte okenn sa bann zannimo avek en etranze pour ofer koman nouritir pour ou Bondye. Blesir ki zot in gannyen i vin en defo. Zot pa pou kapab ganny aksepte.

Levitik 5:17

Sa enn ki fer pese kont enn sa bann komannman SENYER, menm si i fer li enkonsyanman, i koupab e i ava responsab pour son fot.

Levitik 7:19

Lavyann ki'n tous avek en keksoz enpir, pa devre ganny manze, me brile dan dife. En dimoun ki pir, i kapab manz sa lavyann.

Amos 5:22

Mon pa pou aksepte bann sakrifis konplet ek bann lofrann ki zot ofer mwan. Mon pa pou aksepte zot sakrifis lape ek bann zannimo gra ki zot ofer mwan.

Malasi 1:10

Ti ava preferab ki enn parmi zot ti ava ferm bann laport tanp e personn pa ti ava alim dife pour nanryen lo mon lotel, SENYER liniver i deklare. Zot pa fer mwan plezir, mon pa pou aksepte zot sakrifis, SENYER liniver ki deklare.

Malasi 1:13

Zot osi oze dir: Tousala i fatigan, e zot lev nennen avek mwan. Zot menm ofer sakrifis zannimo vole, malad oubyen andikape. Eski mon kapab aksepte sa, sorti kot zot? SENYER ki deklare.

Nonm 18:27

Sa i pou vin zot lofrann, parey i ganny pran lo sereal ler pe bate ek rezen ler pe kraze.

Levanzil dapre Lik 16:15

Me Zezi ti dir zot, “Zot parmi bann dimoun ki fer zot pas pour zis, me Bondye i konn zot leker. Annefe, i deteste sa ki zonm i konsider gran.

Romen 4:11

I ti ganny sirkonsi plitar koman en siny. Sa ti en mark ki montre ki akoz son lafwa, Bondye ti konsider li koman en zis, alor ki i pa ti'n ankor ganny sirkonsi. Konmsa, Abrahanm in vin papa tou sa bann ki krwar dan Bondye menm san ganny sirkonsi, me ki Bondye osi i konsider koman bann zis.

Ebre 9:28

De menm, Kris i'n ofer son lekor en sel fwa pour detri pese en kantite dimoun: I pou aparet en dezyenm fwa, pa pour detri pese, me pour sov bann ki pe esper li.

1 Pyer 2:24

Kris li menm in anmenn nou pese dan son lekor lo lakrwa, pour ki nou mor pour sa ki konsern pese e viv pour lazistis. Par son bann blesir, zot in ganny geri.