Levitik 6:5 - Labib An Kreol Seselwa

⁵ oubyen konsernan nenport keksoz lo ki i'n fer en fo serman. I devre rann tou e azout avek, en senkyenm son valer. Ler i ava rann kont son fot, i devre rann sa lobze son propriyeter.

Levitik 6:5 ပူးပေါင်းရင်းမြစ်များ

2 Samyel 12:6

I devre ranplas sa mouton vole par kat lezot mouton, akoz i'n azir san okenn pitye.”

Nehemi 10:35

Nou ti promet pour anmenn dan tanp, sak lannen, tou bann premye prodwi nou later ek nou bann pye fri.

Egzod 22:1

Si en zonm i vol en toro oubyen en mouton, e touy li oubyen vann li, i ava pey an konpansasyon, senk toro pour en toro e kat mouton pour en mouton. Si i pa kapab, i ava ganny vann pour son vol.

Egzod 22:4

Me si sa i ariv lizour, alor i ava ganny konsidere koman en krim.

Egzod 22:7

Si en dimoun i donn son prosen larzan, oubyen bann lobze pour li garde, e sa bann lobze i ganny vole dan son lakaz; si sa voler i ganny atrape, i ava pey doub sa ki i'n vole.

Egzod 22:9

Pour tou bann zafer malonnet konsernan bef, bourik, mouton, lenz oubyen nenport lobze perdi, kot enn i ganny akize, sa de parti ava prezant zot devan Bondye. Sa enn ki Bondye i deklar koupab, i ava pey son prosen doub.

Egzod 30:7

Tou le bomaten, kan i ava al okip bann lalanp, Aaron ava bril lansan aromatik. I ava bril li tou le bomaten, letan i pe aranz bann lalanp.

Ezai 58:6

La zenn ki fer mwan plezir: Detas bann lasenn lenzistis, tir sa fardo ki pez lo ou zepol, rann lib dimoun ki ganny kraze e debaras bann fardo ki gard ou lesklav.

Ezai 58:9

Alor, ou ava apel osekour. Mwan SENYER, mon pou reponn ou. Ou pou kriy osekour e mon pou dir ou: La mon la. Si ou tir sa bann fardo ki parmi lepep, si ou aret akize e dir dimal,

Ezekyel 33:15

si sa malfeter i rann en lobze ki i ti'n pran angaz, si i rann sa ki i ti'n vole, e i obei lalwa ki donn lavi, e evit fer lemal, i pa pou mor; i pou viv.

Levitik 5:16

I devre donn konpansasyon pour sa domaz kont sanktyer, an azoutan en senkyenm parti son valer e donn avek sa pret ki ava fer rityel pardon son pese avek sa mouton, e sa dimoun ava ganny pardonnen.

Levanzil dapre Lik 19:8

Me Zase ti debout e i ti dir avek Zezi, “Senyer! Mon pou donn bann pov lanmwatye mon larises. Si mon'n tronp okenn dimoun dan nenport mannyer, mon pou rann li kat fwa plis.”

1 Samyel 12:3

La mon la. Akiz mwan devan SENYER e devan sa enn ki'n resevwar son lonksyon. Lekel ki mon'n pran son bef? Lekel ki mon'n pran son bourik? Lekel ki mon'n eksplwate? Lekel ki mon'n fer dimal? Lekel ki mon'n kraze? Avek lekel ki mon'n deza pran gous pour ferm mon lizye lo sa ki i'n fer. Dir mwan, e mon ava rann zot sa ki pour zot.”