Levitik 6:22 - Labib An Kreol Seselwa

²² Sa enn parmi bann garson Aaron ki ganny konsakre pour ranplas li koman pret, devre prezant sa lofrann devan SENYER pour touzour. Sa i ava ganny brile antye.

Levitik 6:22 ပူးပေါင်းရင်းမြစ်များ

Ezai 53:10

Me SENYER ti trouv bon kraz li par lasoufrans. I'n fer li vin en sakrifis pour reparasyon bann fot. I ava viv lontan e i ava war son bann desandans. Par li, SENYER ava akonpli son lavolonte.

Oze 4:8

Zot anrisi lo pese mon pep. Alor, zot ankouraz mon pep pour komet plis pese.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levitik 4:24

I ava poz son lanmen lo latet sa bouk e egorz li dan landrwa kot zot touy zannimo pour sakrifis konplet devan SENYER. Sa i en sakrifis pour pardon pese.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levitik 6:10

Pret ava met son kannset linenn ek bann lenz linenn. Apre, i ava pran lasann sakrifis konplet lo lotel e depoz akote lotel.

Levitik 6:11

Apre, i ava tir son bann lenz, met en lot lenz lo li e anmenn sa lasann dan en landrwa pir an deor kan.

Levitik 6:21

I ava ganny prepare lo en plak avek delwil; i ava ganny byen melanze e ofer devan SENYER koman en lofrann vezetal ki anvoy en loder ki fer plezir SENYER.

Levitik 6:23

Tou lofrann vezetal ofer par en pret, ava ganny brile konpletman; i pa devre ganny manze.

Levitik 8:21

Parey SENYER ti'n ordonn li, Moiz ti lav trip ek bann lapat avek delo. I ti bril leres mouton lo lotel koman en sakrifis konplet, brile par dife, ki anvoy en loder ki fer plezir SENYER.

Deterononm 10:6

Bann Izraelit ti kit Berot-Ben-Yakann pour al Mosera, kot Aaron ti mor e ganny antere. Son garson Eleazar ti pran son plas koman pret.

Ebre 7:23

I annan ankor en lot diferans: In egziste en kantite pret, akoz lanmor ti anpes zot kontinyen reste pret pour touzour.