Levitik 6:18 - Labib An Kreol Seselwa

¹⁸ Tou bann desandan mal dan lafanmir Aaron ava kapab manze. Sa i zot par pour touzour, sorti kot SENYER dan bann sakrifis brile par dife. Tou sa ki tous zot ava vin sen.

Levitik 6:18 ပူးပေါင်းရင်းမြစ်များ

Egzod 29:37

Pandan set zour, ou ava ofer sakrifis lo lotel, pour demann pardon pese. Ou ava konsakre lotel ki ava vin tre sakre e tou sa ki tous lotel ava vin sakre.

Levitik 3:17

Zot pa devre manz ni lagres, ni disan. Sa i en lalwa pour touzour, pour tou zot bann zenerasyon, partou dan nenport landrwa kot zot ava reste.

Levitik 4:24

I ava poz son lanmen lo latet sa bouk e egorz li dan landrwa kot zot touy zannimo pour sakrifis konplet devan SENYER. Sa i en sakrifis pour pardon pese.

Levitik 4:3

si en pret konsakre ki'n fer sa pese, e par la i'n rann koupab lepep antye, i ava ofer SENYER koman sakrifis pardon pour son pese, en zenn toro san okenn defo.

Levitik 4:33

I ava poz son lanmen lo latet sa zannimo e egorz li koman en sakrifis pour pardon pese, dan landrwa kot zot egorz zannimo pour sakrifis konplet.

Levitik 6:10

Pret ava met son kannset linenn ek bann lenz linenn. Apre, i ava pran lasann sakrifis konplet lo lotel e depoz akote lotel.

Levitik 6:19

SENYER ti koz avek Moiz:

Levitik 6:27

Nenport kwa ki ganny kontak avek sa lavyann i vin sen; si son disan i fann lo en lenz, fodre lav sa lenz dan en landrwa sen.

Levitik 6:29

Tou mal dan lafanmir bann pret ava kapab manz sa lavyann ki tre sen.

Levitik 7:6

Tou bann mal dan lafanmir bann pret, ava kapab manze; zot ava manz sa dan en landrwa sen. Sa i en sakrifis tre sakre.

Nonm 18:10

Zot ava manz tousala koman bann keksoz sakre. Tou bann zonm ava kapab manze, zot ava sakre pour ou.

Nonm 18:8

SENYER ti dir Aaron: Mon donn ou tou lofrann ki pep Izrael i anmennen. Mon donn ou tou sa bann lofrann koman en par e pour ou desandan pour touzour.

1 Korentyen 9:13

Zot konnen ki sa bann ki travay dan tanp, zot ganny zot manze dan tanp, e ki bann ki ofer sakrifis lo lotel, zot ganny zot par dan sa bann sakrifis.

1 Pyer 1:16

Annefe, Lekritir i deklare: Vin sen akoz mwan mon sen.

1 Pyer 2:9

Me zot, zot en ras ki'n ganny swazir, en group pret rwayal, en nasyon sen, en pep ki pour Bondye. I'n swazir zot. In fer zot sorti dan fernwanr pour pas dan son lalimyer merveye, pour proklanm son bann mervey.