Levitik 6:16 - Labib An Kreol Seselwa

¹⁶ Aaron ek son bann garson ava manz tou sa ki reste. Zot ava manz li koman bann gato san lelven, dan en landrwa sakre. Zot ava manz dan lakour Latant Rankont.

Levitik 6:16 ပူးပေါင်းရင်းမြစ်များ

2 Kronik 31:14

Kore, garson Yimna, ki ti levit, portye pour laport Les, ti ansarz bann don volonter ki zot ti ofer Bondye. I ti osi responsab pour distribye sa bann lofrann konsakre pour SENYER, ensi ki lezot lofrann.

Egzod 12:8

Sa menm swar, zot ava manz sa lavyann; zot ava manz lavyann roti lo dife avek bann dipen san lelven ek zerb anmer.

Ezekyel 44:29

Zot ki ava manz bann lofrann vezetal, sakrifis pour pardon pese, ek sakrifis reparasyon. Tou sa ki konsakre pour mwan dan pei Izrael, i ava pour zot.

Levitik 2:3

Sa ki reste dan sa lofrann vezetal, ava vin pour Aaron ek son bann garson. I en porsyon tre sakre sa sakrifis ki'n ganny brile dan dife pour SENYER.

Levitik 5:13

Alor, pret ava fer rityel pardon pese sa zonm, pour nenport pese ki i'n komet, e i ava ganny pardonnen. Sa ki reste, ava vin par sa pret, parey dan ka en lofrann vezetal.

Levitik 6:23

Tou lofrann vezetal ofer par en pret, ava ganny brile konpletman; i pa devre ganny manze.

Levitik 6:26

Sa pret ki ofer sa sakrifis pour pardon pese ava manz en pe; i ava manz li dan en landrwa sakre, dan lakour Latant Rankont.

Nonm 18:8

SENYER ti dir Aaron: Mon donn ou tou lofrann ki pep Izrael i anmennen. Mon donn ou tou sa bann lofrann koman en par e pour ou desandan pour touzour.

1 Korentyen 5:8

Alor, annou selebre nou lafet non pa avek sa vye lelven, sa lelven pese limoralite, me avek dipen san lelven, dipen lapirte ek laverite.