Levitik 6:11 - Labib An Kreol Seselwa

¹¹ Apre, i ava tir son bann lenz, met en lot lenz lo li e anmenn sa lasann dan en landrwa pir an deor kan.

Levitik 6:11 ပူးပေါင်းရင်းမြစ်များ

Egzod 29:37

Pandan set zour, ou ava ofer sakrifis lo lotel, pour demann pardon pese. Ou ava konsakre lotel ki ava vin tre sakre e tou sa ki tous lotel ava vin sakre.

Ezekyel 44:19

Ler zot sorti pour zwenn lepep dan lakour eksteryer, zot devre tir sa lenz ki zot in ofisye ladan e depoz li dan bann lasal sanktyer. Zot ava met lezot lenz pour zot pa ganny kontak sakre avek lepep.

Levitik 16:27

Sa toro ek sa bouk sakrifis pour pardon pese, ki zot disan ti ganny servi dan rityel pour pardon pese dan sanktyer, ava ganny transporte an deor kan kot zot lapo, zot lavyann ek zot leskreman ava ganny brile.

Levitik 24:9

Sa bann dipen ava pour Aaron ek son bann garson; zot ava manz li dan en landrwa sen. Annefe, sa i ava en keksoz tre sakre parmi bann lofrann brile an loner SENYER. Sa i en regleman pour touzour.

Levitik 4:12

sa toro antye ava ganny anmennen an deor kan dan en landrwa pir, la kot zot zet lasann lagres, e kot zot ava bril li lo en dife dibwa; zot ava bril li la lo ta lasann lagres.

Levitik 4:21

I ava anmenn tou sa ki reste avek sa toro an deor kan e bril li parey i ti bril premye toro. Sa i en sakrifis pour pardon pese kominote Izrael.

Levitik 6:10

Pret ava met son kannset linenn ek bann lenz linenn. Apre, i ava pran lasann sakrifis konplet lo lotel e depoz akote lotel.

Levitik 6:12

Sa dife lo lotel i devre reste touzour alimen. Fodre pa ki i tennyen. Tou le bomaten, en pret ava azout dibwa, plas bann sakrifis konplet lo la e bril bann morso lagres sakrifis lape.

Levitik 6:20

La lofrann ki Aaron ek son bann garson i devre ofer SENYER, zour i ava ganny konsakre: Trwa kilo lafarin meyer kalite par zour, lanmwatye bomaten, e lot lanmwatye aswar.

Levitik 6:22

Sa enn parmi bann garson Aaron ki ganny konsakre pour ranplas li koman pret, devre prezant sa lofrann devan SENYER pour touzour. Sa i ava ganny brile antye.

Levitik 7:6

Tou bann mal dan lafanmir bann pret, ava kapab manze; zot ava manz sa dan en landrwa sen. Sa i en sakrifis tre sakre.