Levitik 5:7 - Labib An Kreol Seselwa

⁷ Me si i pa kapab ganny en mouton koman sakrifis pour pardon pese ki i'n komet, alor, i ava anmenn devan SENYER, de tourtrel oubyen de pizon. Enn koman sakrifis pour pardon pese, lot koman sakrifis konplet.

Levitik 5:7 ပူးပေါင်းရင်းမြစ်များ

Levitik 12:6

Kan son letan pirifikasyon ava'n fini, pour en garson oubyen en fiy, sa fanm ava anmenn en zenn mouton aze enn an devan lantre Latant Rankont kot pret pour ofer en sakrifis konplet, avek en pizon oubyen en tourtrel pour sakrifis pardon pese.

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 14:30

Pret ava ofer enn sa tourtrel oubyen pizon, dapre sa ki sa zonm i'n kapab anmennen,

Levitik 14:31

koman sakrifis pour pardon pese e lot koman sakrifis konplet, ansanm avek lofrann vezetal. Pret ava fer rityel pour pardon pese devan SENYER pour sa dimoun ki pe ganny pirifye.

Levitik 15:30

Pret ava ofer enn koman sakrifis pour pardon pese e lot koman sakrifis konplet. Pret ava fer rityel pardon pese devan SENYER pour son pirifikasyon.

Levitik 16:5

Pep Izrael antye ava donn li de bouk, enn pour sakrifis pardon pese, lot pour sakrifis konplet.

Levitik 27:8

Si en dimoun ki'n fer en ve i tro pov pour li peye, i ava ganny prezante devan en pret. Pret ava fer en lestimasyon baze lo mwayen sa dimoun ki'n fer sa ve.

Levitik 5:11

Me, si i pa posib pour en dimoun ganny de tourtrel oubyen de pizon, alor i kapab ofer koman lofrann pour pardon pese ki i'n komet, en dizyenm mezir lafarin meyer kalite. Me i pa devre azout delwil avek, ni met lansan lo la, akoz i en lofrann pour pardon pese.

Levitik 7:1

La rityel konsernan sakrifis pour reparasyon. Sa i en keksoz ki tre sen:

Levitik 9:3

Ou ava dir pep Izrael: Pour sakrifis pardon pese, pran en bouk, en zenn bef ek en zenn mouton, aze enn an e san okenn defo; pour en sakrifis konplet,

Nonm 5:6

Dir kominote Izrael: En zonm oubyen en fanm ki fer ditor son prosen i koupab devan SENYER i koupab.

Nonm 6:10

Lo wityenm zour, i ava anmenn kot pret devan Latant Rankont SENYER, de tourtrel ouswa de zenn pizon.

Nonm 6:11

Pret ava ofer enn pour sakrifis pese e lot pour sakrifis konplet. I ava fer rityel pardon son pese ki i'n fer akoz sa lekor mor. Son menm zour, i ava konsakre son latet.

Matye 10:16

Mon pe anvoy zot parey bann mouton parmi bann loulou. Alor, zot bezwen rize parey bann serpan e inosan parey bann pizon.

Matye 21:12

Zezi ti antre dan Tanp e sas tou bann ki ti pe aste e vann dan Tanp. I ti savir latab bann ki ti pe sanz larzan e sez bann ki ti pe vann pizon.

Matye 3:16

Zis koman i ti'n fini ganny batize, Zezi ti sorti dan delo. Alor, lesyel ti ouver pour li: I ti war Lespri Bondye desann lo li dan laform en pizon.

Levanzil dapre Lik 2:24

Parey lalwa i osi demande, zot ti ofer en sakrifis: En per tourtrel, oubyen de zenn pizon.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.