Levitik 5:6 - Labib An Kreol Seselwa

⁶ An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Levitik 5:6 ပူးပေါင်းရင်းမြစ်များ

Ezekyel 40:39

Dan vestibil lantre, ti annan de latab sak kote. Lo sa bann latab kot zannimo ti ganny touye pour sakrifis konplet ek lezot sakrifis pour pardon pese.

Ezekyel 42:13

Sa zonm ti dir mwan: Bann lasal ki vir lo kote Nor e lo kote Sid i bann lasal sakre, kot bann pret ti prezant devan SENYER, pour manz bann lofrann tre sakre. La kot zot met bann lofrann tre sen: Bann lofrann vezetal ek zannimo ofer pour diferan sakrifis pour pardon pese, akoz sa landrwa i sen.

Ezekyel 44:27

Zour ki i antre dan tanp, dan lakour enteryer pour servis dan tanp, i ava ofer son sakrifis pour pardon son pese. Senyer BONDYE ki'n deklare.

Levitik 4:20

I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:28

ler i dekouver sa fot ki i'n komet, i devre ofer, koman sakrifis, en femel kabri san defo, pour sa pese ki i'n komet.

Levitik 4:31

I ava retir tou son lagres, parey i fer pour zannimo sakrifis lape. Pret ava bril li lo lotel pour donn en loder ki fer plezir SENYER. Konmsa, ki pret ava ofer sa sakrifis pour pardon pese sa senp sitwayen e i ava ganny pardonnen.

Levitik 4:32

Si en dimoun i ofer en mouton koman sakrifis pour pardon pese, i devre anmenn en femel, san defo.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Levitik 6:6

Koman sakrifis reparasyon pour SENYER, i devre anmenn kot pret en mouton mal san defo sorti dan son troupo, oubyen son lekivalan.

Nonm 6:12

I ava rekonsakre li pour SENYER pour sa dire letan ki i ti'n fer son ve. I ava anmenn en zenn mouton mal enn an, pour fer en sakrifis reparasyon; me son bann letan konsekrasyon avan, pa pou konte, akoz in kas son ve nazireen.