Levitik 5:16 - Labib An Kreol Seselwa

¹⁶ I devre donn konpansasyon pour sa domaz kont sanktyer, an azoutan en senkyenm parti son valer e donn avek sa pret ki ava fer rityel pardon son pese avek sa mouton, e sa dimoun ava ganny pardonnen.

Levitik 5:16 ပူးပေါင်းရင်းမြစ်များ

Psonm 69:4

Sa bann ki ay mwan san okenn rezon, zot pli bokou ki seve lo mon latet; en kantite zot i oule detri mwan; mon bann lennmi i oule detri mwan avek zot fo lakizasyon. Eski fodre mon rann sa ki mon pa'n vole?

Egzod 22:1

Si en zonm i vol en toro oubyen en mouton, e touy li oubyen vann li, i ava pey an konpansasyon, senk toro pour en toro e kat mouton pour en mouton. Si i pa kapab, i ava ganny vann pour son vol.

Levitik 22:14

Si, san mazinen, en zonm i manz lofrann sakre, i ava azout en senkyenm valer sa lofrann sakre e donn pret.

Levitik 27:13

Me si zot oule reaste sa zannimo, fodre azout en senkyenm lo valer fikse.

Levitik 27:15

Si sa dimoun i oule reaste son lakaz konsakre, fodre i azout en senkyenm lo valer fikse e sa lakaz ava revin pour li.

Levitik 27:27

En zannimo ki enpir ava kapab ganny reaste an azoutan en senkyenm valer ki'n ganny fikse. Si i pa'n ganny reaste, i ava ganny vann dapre lestimasyon.

Levitik 27:31

Sa enn ki ava oule reaste en parti sa dizyenm ki pour SENYER, ava bezwen azout en senkyenm.

Levitik 4:20

I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 5:10

I ava ofer dezyenm zwazo koman en sakrifis konplet dapre regle-man. Pret ava fer rityel pour sakrifis pardon son pese ki i'n komet, e i ava ganny pardonnen.

Levitik 5:13

Alor, pret ava fer rityel pardon pese sa zonm, pour nenport pese ki i'n komet, e i ava ganny pardonnen. Sa ki reste, ava vin par sa pret, parey dan ka en lofrann vezetal.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Levitik 7:2

Zannimo pour sakrifis reparasyon ava ganny egorze dan menm landrwa kot zot egorz zannimo pour sakrifis konplet. Zot ava pran son disan e fer aspersyon partou otour lotel.

Nonm 5:7

I devre konfes sa pese e repar domaz an azoutan en senkyenm son valer e donn sa dimoun ki i'n fer ditor.

Nonm 5:8

Si sa viktim napa okenn fanmir pour resevwar sa domaz, sa lobze ava al pour SENYER. Pret ava resevwar sa lobze ansanm avek sa mouton ki i pou ofer pour pardon son pese.

Levanzil dapre Lik 19:8

Me Zase ti debout e i ti dir avek Zezi, “Senyer! Mon pou donn bann pov lanmwatye mon larises. Si mon'n tronp okenn dimoun dan nenport mannyer, mon pou rann li kat fwa plis.”

Akt de Zapot 26:20

Okontrer, mon ti konmans prese dan Damas, apre avek zabitan Zerizalenm, e answit dan tou bann rezyon Zide ek tou lezot nasyon. Mon ti demann zot pour sanz zot lavi pese, e retourn ver Bondye e pratik bann aksyon ki montre ki vreman zot in repanti.

1 Samyel 6:3

Zot ti dir, “Si zot fer retournen Kof Bondye Izrael, pa retourn li san rekonpans, omwen ofer en don. Konmsa, zot ava ganny gerizon e zot ava konnen akoz i'n kontinyen pini zot.”