Levitik 4:29 - Labib An Kreol Seselwa

²⁹ I ava poz son lanmen lo latet sa zannimo pour pardon pese e egorz li dan landrwa kot zot touy zannimo pour sakrifis konplet.

Levitik 4:29 ပူးပေါင်းရင်းမြစ်များ

2 Rwa 12:16

Larzan pour bann sakrifis ki dimoun ti donnen pour serten fot, pa ti ganny mete dan sa kof, me ti al pour bann pret.

2 Kronik 29:23

Zot ti osi anmenn bann bouk sakrifis pour pese devan lerwa ek lasanble. Zot ti poz lanmen lo sa bann zannimo.

Levitik 1:11

I ava egorz li lo kote Nor lotel devan SENYER, e bann pret, bann garson Aaron, ava asperz disan sa zannimo otour lotel.

Levitik 1:4

I ava poz son lanmen lo latet sa zannimo. Sa zannimo ava ganny aksepte dan son faver koman en lofrann pour pardon son pese.

Levitik 1:5

I ava egorz sa zannimo devan SENYER. Alor bann pret, bann garson Aaron, ava prezant disan e asperz otour lotel ki dan lantre Latant Rankont.

Levitik 4:15

Bann ansyen dan kominote ava poz lanmen lo latet sa toro ki ava ganny egorze devan SENYER.

Levitik 4:24

I ava poz son lanmen lo latet sa bouk e egorz li dan landrwa kot zot touy zannimo pour sakrifis konplet devan SENYER. Sa i en sakrifis pour pardon pese.

Levitik 4:33

I ava poz son lanmen lo latet sa zannimo e egorz li koman en sakrifis pour pardon pese, dan landrwa kot zot egorz zannimo pour sakrifis konplet.

Levitik 4:4

I ava anmenn sa toro dan lantre Latant Rankont devan SENYER; i ava poz son lanmen lo latet sa toro e egorz li devan SENYER.