Levitik 4:20 - Labib An Kreol Seselwa

²⁰ I ava fer egzakteman parey i ti fer pour toro ki ti ganny ofer pour sakrifis pardon pese. Pret ava fer rityel pardon pese pour zot e zot ava ganny pardonnen.

Levitik 4:20 ပူးပေါင်းရင်းမြစ်များ

Egzod 32:30

Son lannmen, Moiz ti dir lepep, “Zot in komet en pese grav. Aprezan, mon pou mont kot SENYER lo montanny; kekfwa mon ava kapab fer li pardonn zot pese.”

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Levitik 1:4

I ava poz son lanmen lo latet sa zannimo. Sa zannimo ava ganny aksepte dan son faver koman en lofrann pour pardon son pese.

Levitik 12:8

Si i napa mwayen pour anmenn en zenn mouton, i ava pran de tourtrel oubyen de pizon, enn pour en sakrifis konplet e lot pour en sakrifis pardon pese. Pret ava fer rityel pardon pour sa fanm ki ava ganny pirifye.

Levitik 14:18

Pret ava pas leres delwil ki dan son lanmen, lo latet sa dimoun ki pe ganny pirifye. Apre, i ava fer rityel pour pardon pese devan SENYER.

Levitik 15:15

Pret ava ofer sa bann zwazo, enn koman sakrifis pour pardon pese e lot koman sakrifis konplet. Pret ava fer rityel pirifikasyon pour li devan SENYER, pour son maladi.

Levitik 19:22

Son pese ava ganny pardonnen, kan devan SENYER e gras a lofrann sa bouk pour reparasyon pese, pret ava fer rityel pardon pour son pese.

Levitik 4:21

I ava anmenn tou sa ki reste avek sa toro an deor kan e bril li parey i ti bril premye toro. Sa i en sakrifis pour pardon pese kominote Izrael.

Levitik 4:26

I ava bril tou son lagres lo lotel, parey i fer pour lagres sakrifis lape. Pret ava ofer sakrifis pour pardon son pese e i ava ganny pardonnen.

Levitik 4:35

I ava retir tou lagres, parey i tir lagres mouton dan sakrifis lape. Pret ava bril li lo lotel, avek lezot sakrifis brile pour SENYER. I ava ofer sa sakrifis pour li ganny pardon pese ki i'n komet, e i ava ganny pardonnen.

Levitik 4:8

I ava tir tou lagres sa toro pour sakrifis pardon pese: Lagres ki kouver trip ek lagres ki anvlop bann trip;

Levitik 5:10

I ava ofer dezyenm zwazo koman en sakrifis konplet dapre regle-man. Pret ava fer rityel pour sakrifis pardon son pese ki i'n komet, e i ava ganny pardonnen.

Levitik 5:13

Alor, pret ava fer rityel pardon pese sa zonm, pour nenport pese ki i'n komet, e i ava ganny pardonnen. Sa ki reste, ava vin par sa pret, parey dan ka en lofrann vezetal.

Levitik 5:16

I devre donn konpansasyon pour sa domaz kont sanktyer, an azoutan en senkyenm parti son valer e donn avek sa pret ki ava fer rityel pardon son pese avek sa mouton, e sa dimoun ava ganny pardonnen.

Levitik 5:18

I devre anmenn kot pret en mouton mal, san defo, sorti dan son troupo, estimen dapre valer pour sakrifis reparasyon. Pret ava fer rityel pardon pour fot ki i'n komet san ki i ti rann kont, e i ava ganny pardonnen.

Levitik 5:6

An reparasyon pour sa pese ki i'n komet, i ava anmenn en femel mouton oubyen en kabri ki i'n pran parmi son troupo, koman sakrifis devan SENYER pour pardon son pese. Pret ava fer rityel pardon pour son pese.

Levitik 6:7

Pret ava fer rityel pardon pour li devan SENYER, e i ava ganny pardonnen pour nenport pese ki i'n fer e ki'n rann li koupab.

Nonm 15:25

Pret ava fer rityel pardon pese lo kominote Izrael antye e zot ava ganny pardonnen. Annefe, sa ti en fot envolonter e pour sa fot, zot in anmenn zot lofrann ki'n ganny brile par dife pour SENYER. Akoz zot fot envolonter, zot in osi anmenn devan SENYER, zot sakrifis pour zot pese.

Nonm 15:28

Pret ava fer rityel pardon son pese envolonter lo lotel devan SENYER. Sa dimoun ava ganny pardonnen son pese.

Romen 5:11

Sa pa tou: Nou fyer dan Bondye akoz nou Senyer Zezi-Kri, ki'n rekonsilye nou avek Bondye.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

1 Zan 1:7

Me si nou pe mars dan lalimyer parey li menm i dan lalimyer, alor, nou pe viv ini avek kanmarad, e disan Zezi, son Garson, i pirifye nou avek tou pese.

1 Zan 2:2

I'n ofer li menm, koman sakrifis pour nou ganny pardon nou pese. Pa zis pour nou, me osi pour pese lemonn antye.

Revelasyon 1:5

e delapar Zezi-Kri, temwen fidel, premye ne parmi bann mor, sef parmi bann lerwa later. Zezi-Kri i kontan nou. Par son disan, i'n delivre nou avek tou nou bann pese.