Levitik 26:6 - Labib An Kreol Seselwa

⁶ Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Levitik 26:6 ပူးပေါင်းရင်းမြစ်များ

2 Rwa 2:24

Elize ti vir deryer; i ti war zot e i ti modi zot lo non SENYER. Alor, de lours ti sorti dan lafore e devor 42 parmi sa bann garson.

1 Kronik 22:9

Me ou pou ganny en garson, ki pou en zonm lape. Mon pou donn li lape e delivre li avek tou bann lennmi ki antour li. I pou apel Salomon, e mon pou don lape ek trankilite Izrael pandan tou son lavi.

2 Kronik 20:30

Rwayonm Zozafat ti trankil, e Bondye ti donn li lape lo tou son bann frontyer.

Liv Zob 11:19

Ou ava al dormi san ki personn i deranz ou. Bokou dimoun pou vin flat ou.

Liv Zob 5:23

Pa pou annan okenn ros dan ou plantasyon. Zannimo sovaz pa pou zanmen atak ou.

Psonm 144:14

Nou bann bef i plenn e napa okenn difikilte met ba. Nou pa antann okenn kriye dan landrwa piblik.

Psonm 147:14

I gard lape dan ou bann frontyer; i donn ou meyer rekolt.

Psonm 29:11

SENYER pou donn son pep lafors. SENYER pou beni son pep e donn li lape.

Psonm 3:5

Mon alonze, mon dormi; apre mon leve. SENYER i touzour la, akote mwan.

Psonm 4:8

Mon pou alonze e dormi anpe, akoz ou SENYER, ou gard mwan an sekirite.

Psonm 85:8

Mon pou ekout sa ki SENYER Bondye i annan pour li dir. I promet lape pour son pep, pour dimoun ki reste fidel anver li, me ki pa retonm dan menm betiz.

Egzod 23:29

Mon pa pou sas zot tou dan en lannen, sankwa pei ava reste vid, e bann zannimo sovaz ava ogmante kont ou.

Proverb 3:24

Si ou al alonze, ou pa pou trakase; aswar, ou ava dormi anpe.

Proverb 6:22

Zot ava gid ou lo ou semen, zot ava vey lo ou ler ou ava pe dormi e koz avek ou ler ou ava leve.

Ezai 35:8

La ki ou annan en gran semen ki pou ganny apele: Semen Sentete. Dimoun enpir pa pou kapab pas par la. I pou ganny rezerve zis pou pep Bondye. Okenn vwayazer, ni menm bann fou pa pou rantre san fer atansyon.

Ezai 35:9

Okenn lyon pa pou vin la; ni okenn lot zannimo sovaz. Zis dimoun ki SENYER in libere ki pou kapab pran sa semen.

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Ezai 9:7

Son lotorite pou kontinyen grandi e lape pou rennyen pour touzour pour tronn David ek son rwayonm. I pou etabli son renny e rann li solid lo lalwa ek lazistis, apartir ozordi e pour touzour. SENYER liniver pou fer tousala akoz son gran lanmour.

Zeremi 30:10

Zakob mon serviter! Pa bezwen per! SENYER i deklare. Izrael! Pa bezwen perdi kouraz! Mon pou vin sov ou, lwen depi kot ou ete, e ou desandans dan pei kot i an kaptivite. Zakob pou retournen; i pou viv trankil e dan lape; i pou an sekirite e personn pa pou vin fer li per.

Zeremi 31:26

Apre sa, mon ti reveye; sa sonmey ti'n fer mwan dibyen.

Ezekyel 14:15

Si mon anvoy bann bebet feros atraver pei e ki zot devor bann zabitan, devaste pei e ki personn pa kapab pase akoz sa bann zannimo sovaz,

Ezekyel 14:17

Oubyen, si mon anvoy lennmi kont sa pei e komann en larme detri pei e touy zonm ek zannimo,

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Ezekyel 34:25

Mon pou fer en lalyans lape avek zot e fer disparet tou zannimo feros dan sa pei. Konmsa zot ava kapab viv anpe dan dezer e dormi dan bwa an sekirite.

Ezekyel 34:27

Bann pye fri dan lakanpanny pou raporte e later pou donn son prodwi; zot pou viv an sekirite dan zot pei. Zot ava konnen ki mwan menm SENYER, kan mon ava kas zot lasenn e delivre zot anba pouvwar bann ki'n fer zot lesklav.

Ezekyel 5:17

Mon pou anvoy kont ou lafanmin ek zannimo sovaz ki pou touy ou bann zanfan; lepidemi, vyolans ek lager pou detri tou. Mwan, SENYER ki deklare.

Oze 2:18

Alor, sa zour mon pou fer en lalyans avek tou bann zannimo sovaz, bann zwazo dan lezer, e avek tou bann pti bebet lo later. Mon pou detri tou bann fles, lepe ek tou zarm lager. Mon pou fer zot disparet dan pei e permet bann zabitan dormi an sekirite.

Oze 2:20

Mon pou reganny ou par mon fidelite e ou ava konn SENYER.

Levitik 25:18

Zot ava obzerv mon bann lalwa e gard mon bann regleman; konmsa, zot ava viv anpe dan pei.

Levitik 25:19

Pei ava prodwir son fri; zot ava annan dekwa manze e viv la an sekirite.

Levitik 26:22

Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Levitik 26:25

Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Levitik 26:7

Zot ava pourswiv zot bann lennmi ki ava tonm anba zot lepe.

Mise 4:4

Sakenn pou viv anba son prop tonnel rezen. Zot pou viv anpe anba zot pye fig, san ki personn i fer zot per. SENYER liniver ki deklare.

Sofoni 3:13

Leres sirvivan Izrael pa pou fer sa ki mal. Zot pou nepli koz manti. Zot pou nepli tronp dimoun par zot parol. Zot pou viv e dormi anpe. Personn pa pou fer zot per.

Agze 2:9

Labote sa nouvo tanp pou depas sa enn avan. Lanmenm la, ki mon pou anmenn lape, SENYER liniver ki deklare.

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.

Levanzil dapre Zan 14:27

Mon kit lape avek zot, mon donn zot mon lape. Selman, mon pa donn zot lape parey lemonn i donnen. Pa bezwen enkyet e pa bezwen per sa ki pou arive.

Akt de Zapot 12:6

Sa menm swar, kan Herod ti pou fer li paret devan lakour, Pyer ti pe dormi ant de solda. I ti'n ganny atase avek de lasenn. Ti osi annan bann gard devan laport prizon.

Romen 5:1

Ensi, aprezan ki nou'n ganny zistifye par nou lafwa, nou anpe avek Bondye par nou Senyer Zezi-Kri.