Levitik 26:41 - Labib An Kreol Seselwa

⁴¹ zot ava konpran ki mwan osi, mon'n opoz zot e anmenn zot dan pei zot bann lennmi. Si zot imilye zot e aksepte pinisyon pour zot pese,

Levitik 26:41 ပူးပေါင်းရင်းမြစ်များ

1 Rwa 21:29

“Eski ou'n war ki mannyer Akab in imilye li devan mwan? Akoz in imilye li devan mwan, mon pa pou fer sa bann maler tonm lo li pandan son vivan; me pandan renny son garson ki mon pou fer maler tonm lo son fanmir.”

2 Kronik 12:12

Letan ki Roboanm ti'n imilye li devan SENYER, lakoler SENYER ti kalme kont li e i pa ti detri li konpletman. Annefe, kondisyon ti ase bon dan Zida.

2 Kronik 32:26

Me, malgre son larogans, Ezekyas ti anfen imilye li avek tou bann zabitan Zerizalenm. Lakoler SENYER ti apeze e i pa ti reazir kont zot pandan renny Ezekyas.

2 Kronik 33:19

Son lapriyer e lafason ki Bondye ti ekout li, son bann pese ek lenfidelite anver Bondye in ganny ekri dan Liv Listwar Hozai. Sa liv i osi donn non bann landrwa kot Manase ti konstri bann landrwa sakre, kot i ti plas bann poto sakre ek bann stati, avan son imilyasyon.

2 Kronik 33:23

I pa ti imilye li devan SENYER parey son papa, Manase. I ti komet bokou plis fot ankor.

Esdras 9:13

Tou sa maler ki'n ariv nou, i akoz nou bann move aksyon ek nou bann fot. Sepandan, ou pa'n pini nou parey nou merite, e aprezan ou'n permet nou ki la, reste ankor vivan.

Esdras 9:15

SENYER, Bondye Izrael, ou ki zis, ou'n permet ki ozordi, ki serten parmi nou i reste ankor vivan. Nou bann sirvivan; sanmenm sa ki nou ete ozordi. Nou la devan ou avek nou bann fot, alor ki personn pa ti devre kapab sibziste konmsa, devan ou.

Nehemi 9:33

Ou'n azir dapre lazistis dan tou sa ki'n ariv nou; ou'n azir fidelman anver nou, tandis ki nou, nou'n mal azir.

Psonm 39:9

Aprezan, mon gard silans. Mon pa pou ouver mon labous, akoz ou ki'n met mwan dan sa leta.

Egzod 10:3

Alor, Moiz avek Aaron ti al kot Faraon ankor. Zot ti dir li, “La sa ki SENYER Bondye bann Ebre i deklare: Ziska kan ou pou refize imilye ou devan mwan? Les mon pep ale pour zot al servi mwan.

Zeremi 4:4

Zot ki viv dan Zida e zot bann zabitan Zerizalenm, sirkonsi zot pour SENYER. Sirkonsi zot leker pour li. Sankwa, akoz pese ki zot in komet, mon lakoler pou tonm lo zot, e bril zot parey en dife ki pou devaste tou san ki i annan personn pour tennyen.

Zeremi 6:10

Avek ki fodre mon koze? Lekel ki pou ekout mon temwannyaz? Zot in bous zot zorey, pour pa antann mon mesaz. Parol SENYER i en dezoner pour zot. Zot pa pare pour ekoute.

Ezekyel 14:23

Ou ava ganny konsole, kan ou ava war zot konportman. Alor, ou ava konpran ki mon ti annan rezon azir dan sa fason kont li. Senyer BONDYE ki deklare.

Ezekyel 20:43

La, zot ava rapel zot lavi pase, tou bann aksyon ki zot in fer pour rann zot enpir. Zot pou degout zot menm akoz tou zot bann move aksyon.

Ezekyel 44:7

Ou anmenn bann etranze, bann ki pa sirkonsi, ni dan zot leker, ni dan zot lekor, dan mon sanktyer e profann mon tanp. Anmenmtan ki ou ofer mwan manze lagres ek disan, ou pe kas mon lalyans par tou ou bann pratik degoutan.

Ezekyel 44:9

La sa ki Senyer BONDYE i deklare: Okenn etranze, ki pa'n sirkonsi, dan son leker e dan son lekor, ni okenn etranze ki pe reste parmi pep Izrael, pa devre antre dan mon sanktyer.

Ezekyel 6:9

Bann sirvivan ava mazin mwan parmi bann nasyon kot zot pou viv koman bann egzile. Zot ava rapel ki mannyer mon'n detri zot, avek zot leker enfidel ki'n abandonn mwan e zot lizye ki'n reste fikse lo sa bann zidol. Zot pou ganny repinyans pour zot prop lekor, akoz bann aksyon degoutan ki zot in komet.

Levitik 26:24

mwan osi, mon pou reste kont zot. Mon pou pini zot set fwa plis pour zot bann pese.

Levitik 26:28

mwan osi, mon pou osi kontinyen opoz zot avek lakoler. Mon pou koriz zot set fwa plis pour zot bann pese.

Nonm 5:7

I devre konfes sa pese e repar domaz an azoutan en senkyenm son valer e donn sa dimoun ki i'n fer ditor.

Matye 23:12

Sa enn ki oule pas pour pli gran, pou ganny imilye, e sa enn ki imilye li, pou pas pour pli gran.”

Levanzil dapre Lik 14:11

Annefe, sa enn ki monte, pou bezwen desann, e sa enn ki abes li menm, ava monte.”

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Galat 5:6

Annefe, ni sirkonsizyon, ni ensirkonsizyon pa enportan. Lafwa ki azir par lanmour ini avek Kris Zezi ki konte.

Deterononm 10:16

Alor, fer sirkonsi zot leker e aret retif.

Deterononm 30:6

SENYER, ou Bondye pou osi sirkonsi ou leker ek leker ou bann desandan, pour ki ou kontan SENYER, ou Bondye avek tou ou leker, tou ou et, e ou ava kapab viv.

Deterononm 31:21

Ler en kantite maler terib pou tonm lo zot, sa kantik ava servi koman en temwen pour akiz zot, akoz zot bann desandan pa pou zanmen oubliye. Annefe, avan menm ki mon anmenn zot dan sa pei ki mon'n promet zot par serman, mon konnen deza sa ki zot pe prepare pour fer.

Filipyen 3:3

Nou ki'n resevwar vre sirkonsizyon, akoz nou ador Bondye par son Lespri e nou met nou lafyerte dan Zezi-Kri. Nou konfyans pa baz lo bann privilez imen.

Kolosyen 2:11

Dan Kris zot in ganny sirkonsi, pa par en sirkonsizyon fer par lanmen zonm, me en sirkonsizyon ki sorti kot Kris e ki delivre nou kont pouvwar nou lekor peser.