Levitik 26:4 - Labib An Kreol Seselwa

⁴ mon ava donn zot lapli an sezon. Later ava prodwir bann rekolt e bann pye dibwa ava raport fri.

Levitik 26:4 ပူးပေါင်းရင်းမြစ်များ

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

Liv Zob 5:10

I fer lapli tonbe lo later. I anvoy delo dan plantasyon.

Psonm 104:13

Depi ou demer lao, ou aroz bann montanny; later i kontant li avek sa ki ou donn li.

Psonm 67:6

Later in donn son bann rekolt; Bondye, nou Bondye in beni nou.

Psonm 67:7

Bondye! Kontinyen beni nou, e tou bann pep partou lo later ava onor li.

Psonm 68:9

Mon Bondye! Ou ti fer en kantite lapli tonbe partou; ou'n redonn lavi ou pep ki ti'n randi.

Psonm 85:12

SENYER ava li menm anmenn boner e nou pei ava prodwir plis.

Psonm 85:13

Lazistis ava mars devan li e tras en semen pour li.

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Zeremi 14:22

Napa enn sa bann fo bondye dan lezot nasyon ki kapab fer lapli tonbe. Lesyel li tousel pa kapab fer lapli tonbe. SENYER nou Bondye, zis dan ou, ki nou'n met nou lespwar. Ou ki'n fer tousala arive.

Ezekyel 36:30

Mon pou ogmant rapor zot pye fri ki pou donn bokou fri e zot bann plantasyon pou donn gran rekolt pour ki zot pa konn ankor laont lafanmin parmi lezot nasyon.

Zoel 2:22

Zannimo sovaz dan lakanpanny! Pa bezwen per, zerb pe repouse lo montanny! Pye dibwa pe raport zot fri; pye fig ek pye rezen pe donn zot fri annabondans.

Levitik 25:19

Pei ava prodwir son fri; zot ava annan dekwa manze e viv la an sekirite.

Levitik 25:21

Pandan sizyenm lannen, mon pou donn zot mon benediksyon ki ava prodwir rekolt neseser pour 3 an.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Matye 5:45

Alor, zot ava vin bann vre garson zot Papa ki dan lesyel. Annefe, i fer son soley leve lo bann ki move e lo bann ki bon; i fer tonbe lapli lo bann ki zis e lo bann ki pa zis.

Akt de Zapot 14:17

Me kantmenm sa, i'n touzour revel son bonte. I'n donn zot son lapli sorti dan lesyel, ek bann rekolt, sakenn dan son sezon. I'n donn zot osi manze e i'n ranpli zot leker avek lazwa.”

Deterononm 11:13

Si zot vreman obei tou bann komannman ki mon pe ordonn zot ozordi, si zot kontan SENYER, zot Bondye e servi li avek tou zot leker e zot et antye.

Deterononm 11:14

Alor, mon pou fer lapli tonbe lo zot pei dan sak sezon, lapli lotonn ek lapli prentan, e zot ava rekolte zot dible, zot diven nouvo ek zot delwil.

Deterononm 28:12

SENYER ava ouver son trezor dan lesyel pour ou. Dan son sezon, i ava donn ou later lapli e i ava beni tou sa ki ou ava antreprann. Ou ava pret larzan bokou nasyon, me ou pa pou zanmen demann prete.

Let Zak 5:7

Mon bann frer! Pran pasyans ziska retour Senyer. Gete koman en fermye i espere avek pasyans, ki later i prodwir son rekolt presye: I esper avek pasyans, premye sezon lapli ek dernyen sezon lapli.

Revelasyon 11:6

Zot annan pouvwar ferm lesyel pour ki lapli pa tonbe pandan letan ki zot pe profetize. Zot annan pouvwar sanz delo an disan. Zot osi annan pouvwar frap later avek toudsort kalite fleo sak fwa ki zot oule.