Levitik 26:33 - Labib An Kreol Seselwa

³³ Mon pou dispers zot parmi bann nasyon e anvoy lager kont zot. Zot pei pou vin en dezolasyon e zot bann lavil ava vin en ta debri.

Levitik 26:33 ပူးပေါင်းရင်းမြစ်များ

1 Rwa 8:46

Kan zot ava'n fer pese kont ou, akoz napa imen ki fer pa pese; kan ou pou ankoler kont zot e livre zot avek zot lennmi; kan zot ava ganny anmennen koman prizonnyen dan pei zot lennmi, pre koman lwen,

2 Rwa 25:9

I ti met dife dan tanp SENYER, pale lerwa ek tou bann lakaz dan Zerizalenm. I ti bril tou bann gran lakaz.

2 Kronik 7:19

Me si ou tourn ou ledo avek mwan, e si ou abandonn mon bann regleman ek mon bann komannman ki mon'n plas devan zot, pour zot al servi lezot bondye e ador zot,

Nehemi 1:3

Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Nehemi 1:8

Mazin sa parol ki ou ti dir avek ou serviter Moiz: Si zot pa reste fidel, mon pou dispers zot parmi bann pep.

Ester 3:8

Apre, Haman ti dir lerwa Zerzes, “I annan en serten pep apar, disperse parmi bann pep, dan tou bann provens ou rwayonm. Zot bann lalwa i diferan avek bann lalwa tou lezot pep, e zot pa obei bann lord lerwa. Napa okenn rezon pour lerwa toler sa bann zans.

Psonm 106:27

dispers zot bann desandan e detri zot parmi bann nasyon.

Psonm 44:11

Ou'n livre nou parey bann mouton pour labatwar. Ou'n dispers nou parmi lezot nasyon.

Psonm 44:12

Ou'n vann ou pep pour nanryen, san fer okenn profi.

Ezai 1:7

Ou pei in ganny devaste, ou bann lavil in brile. Bann etranze pe devor ou later lanmenm devan ou lizye. Ou bann plantasyon in ganny detri; lennmi in vir li anba lao.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Zeremi 13:24

SENYER pou dispers ou parey bren lapay ki divan sorti dan dezer i fer anvole.

Zeremi 15:4

Kan zot ava war sa pep, tou bann rwayonm lo later pou tranble avek lafreyer. Sa i rezilta tou sa ki Manase, garson Ezekyas ti fer dan Zerizalenm, letan i ti lerwa Zida.

Zeremi 31:10

Tou bann nasyon! Ekout parol SENYER e al proklanm li dan bann zil elwannyen: SENYER ki ti dispers Izrael, pou aprezan rasanble li. I pou vey lo li parey en berze i gard son troupo.

Zeremi 4:7

Destrikter bann nasyon pe vini. Parey en lyon, in sorti dan son landrwa kasyet. I pou detri zot pei. Zot bann lavil pou ganny detri e reste abandonnen.

Zeremi 7:34

Dan bann lavil Zida e dan bann semen Zerizalenm, pou nepli antann dimoun riye ni war dimoun zwaye; pou nepli antann son rezouisans maryaz. Mon pou fer aret tousala e sa pei pou vin en landrwa devaste.

Zeremi 8:3

Leres sa move nasyon ki viv la kot mon'n ti dispers zot, pou prefere lanmor plito ki lavi, SENYER liniver i deklare.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Lamantasyon 1:1

Otrefwa, Zerizalenm ti en lavil byen peple. Ozordi i en lavil abandonnen. Otrefwa, Zerizalenm ti enn parmi bann gran nasyon. Ozordi i parey en vev. Otrefwa, Zerizalenm ti parey en prenses parmi bann provens. Ozordi in vin en lesklav.

Lamantasyon 1:3

Popilasyon Zida i annegzil; i'n ganny kraze avek lanmizer. I pe asiz parmi bann nasyon san trouv okenn repo. Son bann lennmi in anserkle li, napa semen pour zot sove.

Lamantasyon 4:15

Dimoun ti kriye: Sorti la! Enpir! Ale! Sorti! Sorti! Pa tous personn! Ensi, zot ti vin bann egzile e zot ti eran. Dimoun i dir parmi bann nasyon: Zot pou nepli reste parmi nou.

Lamantasyon 4:16

SENYER li menm in dispers zot, i pou nepli get zot. Bann pret nepli ganny onore; bann ansyen nepli ganny respekte.

Ezekyel 12:20

Bann lavil kot i annan zabitan pou ganny devaste e pei pou tonm anrin. Alor, zot ava konnen ki mwan menm SENYER.

Ezekyel 20:23

Dan dezer, mon ti ankor fer en serman ki mon pou dispers zot atraver tou bann pei etranze, parmi tou lezot nasyon,

Ezekyel 22:15

Mon pou dispers zot parmi bann nasyon e atraver bann pei e mon pou debaras zot avek zot bann aksyon enpir.

Ezekyel 5:2

Ou ava bril en tyer dan dife, dan milye lavil. Apre letan ki Zerizalenm in ganny anserkle in fini, pran en lot tyer ki ou ava koup koupe avek lepe otour lavil. Ou ava fann sa dernyen tyer dan divan e mwan, mon ava servi mon lepe kont Zerizalenm.

Oze 9:6

Kan zot sove zour katastrof, Lezip ki pou rasanble zot. Lavil Menmfis pou vin zot tonbo. Move zerb pou kouver zot larzan e rons pou anvai zot latant.

Amos 9:4

Si zot bann lennmi i deport zot, mon pou donn lord touy zot. Mon lizye pou reste fikse lo zot, pour zot maler, pa pour zot boner.

Zakari 7:14

Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Levanzil dapre Lik 21:24

Zot pou ganny masakre, e ganny anmennen koman prizonnyen parmi tou bann nasyon. Zerizalenm pou ganny kraze anba lipye bann etranze, ziska letan ki'n ganny determinen ava'n akonpli.”

Deterononm 4:27

SENYER pou dispers zot parmi bann pep. Zis en pti kantite zot ki pou reste parmi bann nasyon kot SENYER ava fors zot ale.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!