Levitik 26:32 - Labib An Kreol Seselwa

³² Mon pou devaste pei. Zot bann lennmi ki ava vin reste la, ava etonnen.

Levitik 26:32 ပူးပေါင်းရင်းမြစ်များ

1 Rwa 9:8

Sa lakaz pou tonm anrin; tou sa ki pou pas par la pou sirprann, soufle avek letonnman. Zot ava dir: Akoz SENYER in azir konmsa kont sa pei ek sa Lakaz?

Ezai 24:1

SENYER pe al devaste later e kit li san zabitan. I pou boulvers later e fer fannen bann zabitan.

Ezai 5:6

Mon pou les li vin en landrwa abandonnen. Personn pa pou tay son bann brans; personn pa pou aras bann move zerb. Bann plant anvaisan ek zarbis pikan pou pouse. Mon pou anpes bann nyaz fer lapli tonm lo li.

Ezai 5:9

La serman ki SENYER liniver ti fer rezonnen dan mon zorey: En kantite sa bann lakaz pour ganny abandonnen. Personn pa pou vin reste dan sa bann gran e zoli lakaz.

Ezai 6:11

Mon ti demande: Ziska kan, SENYER? I ti dir: Ziska ki bann lavil i ganny detri e personn pa reste dan sa bann lakaz, e pei i ganny devaste;

Ezai 64:10

Ou bann lavil sen in vin en dezer; Siyon in vin en dezer; Zerizalenm in ganny devaste.

Zeremi 12:11

Zot in fer li vin en rezyon devaste ki'n ganny marke par dey. Pei antye in ganny detri e personn pa pran okenn ka.

Zeremi 18:16

Zot in telman devaste pei, ki tou dimoun ki pas par la i soke e sekwe latet.

Zeremi 19:8

Mon pou met sa lavil dan en tel leta degoutan, ki tou dimoun ki pase pou ganny en sok e zot ava kriye ek sezisman devan en tel destriksyon.

Zeremi 25:11

Tou sa pei pou vin en larin, en landrwa devaste. Tou sa bann nasyon pou anba dominasyon lerwa Naboukodonozor pandan 70 an.

Zeremi 25:18

Mon ti konmans par Zerizalenm ek bann lavil dan Zida, avek zot lerwa ek zot zofisye. Tou sa bann lavil ti ganny transformen koman en landrwa devaste, en landrwa malediksyon; i parey ankor ozordi.

Zeremi 25:38

Parey en lyon ki kit landrwa kot i kasyet, SENYER in abandonn sa pei kot i ti pe reste. Akoz bann ravaz ki lager in fer, e vyolans lakoler SENYER, sa pei in vin en dezer.

Zeremi 33:10

La sa ki SENYER i deklare: Dimoun i dir ki sa pei, in vin en dezer kot napa personn, ni zannimo ki viv. Annefe, bann lavil Zida e bann lari Zerizalenm i vid; napa personn ki reste, okenn imen, okenn zannimo. Dan sanmenm sa pei ou pou antann ankor

Zeremi 44:2

La sa ki SENYER liniver, Bondye Izrael i deklare: Zot menm, zot temwen tou sa bann maler ki mon'n anvoy lo Zerizalenm e lo lezot lavil dan Zida ki ozordi ankor, zot anrin e napa okenn zabitan.

Zeremi 44:22

SENYER ti nepli kapab siport zot bann move aksyon e bann pratik degoutan ki fer onte; pour sa rezon, zot pei in vin en ta debri, konpletman devaste, en size malediksyon, san okenn zabitan. Tou dimoun i konn sa.

Zeremi 9:11

Mon pou fer Zerizalenm vin en ta rin, kot zis zannimo sovaz pou viv. Bann lavil Zida pou vin en dezer kot personn pa pou reste.

Lamantasyon 4:12

Napa en lerwa lo later, ni okenn zabitan dan lemonn ki ti ava kapab krwar ki ladverser, lennmi ti ava kapab antre par bann laport Zerizalenm.

Lamantasyon 5:18

Akoz montanny Siyon in ganny abandonnen, bann sakal eran i dan semen.

Ezekyel 5:15

Kan mon pou egzekit mon zizman avek tou mon gran lakoler, mon pinisyon pou terib. Bann nasyon dan zalantour pou monk zot e ensilte zot. Zerizalenm pou vin en lavertisman e en lafreyer pour bann nasyon. Mwan SENYER ki deklare.

Danyel 9:18

Mon Bondye ekoute! Ouver ou lizye e war nou lavil ki'n konpletman detri, sa lavil kot ou non i ganny envoke. Nou prezant nou siplikasyon devan ou, pa akoz nou'n azir dapre lazistis, me akoz ou gran konpasyon.

Danyel 9:2

Dan premye lannen son renny, mwan, Danyel, mon ti konsilte bann liv sakre pour konpran parol ki SENYER ti'n donnen par profet Zeremi. Mon ti konpran ki Zerizalenm pou reste detri pour 70 lannen.

Habakouk 3:17

Pye fig nepli fleri; plantasyon rezen nepli donn rezen; pye zoliv nepli donn zoliv; bann plantasyon dible nepli donn dekwa manze.

Levanzil dapre Lik 21:20

“Me kan zot ava war Zerizalenm anserkle par bann larme, zot ava konnen ki destriksyon i pros.

Deterononm 28:37

Tou bann pep kot SENYER pou anmenn ou, ava etonnen avek sa ki ariv avek ou; zot pou riy ou e gognard ou.