Levitik 26:30 - Labib An Kreol Seselwa

³⁰ Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Levitik 26:30 ပူးပေါင်းရင်းမြစ်များ

Zenez 19:13

Annefe, bann lakizasyon kont sa bann zabitan sa lavil i sitan grav devan SENYER, ki i'n anvoy nou pour detri sa lavil.”

1 Rwa 13:2

Sa zonm ti kriy kont lotel par lord SENYER. I ti dir: Lotel! Lotel! La sa ki SENYER i deklare: En garson pou ne dan fanmir David; i pou apel Zozyas. I pou ofer koman sakrifis lo lotel, bann pret, ki servi dan landrwa sakre, ki bril lansan. Menm lezo bann et imen pou ganny brile lo ou.

1 Rwa 13:32

Annefe, mon sir ki sa parol SENYER ki i ti kriye kont lotel Betel e kont tou bann lakaz dan landrwa sakre dan lavil Samari, pou realize.”

2 Rwa 23:16

Kan Zozyas ti get otour li, i ti war bann latonm lo montanny. I ti fer retir bann lezo ki ti dan bann latonm e bril zot lo lotel e rann li enpir, dapre parol SENYER ki ti'n predir par lentermedyer son profet.

2 Rwa 23:20

I ti ofer lo bann lotel tou bann pret dan bann landrwa sakre ki ti prezan, e bril bann lezo imen. Apre, i ti retourn Zerizalenm.

2 Rwa 23:8

I ti fer vin tou bann pret sorti dan bann lavil Zida, e rann enpir bann landrwa sakre kot bann pret ti bril lansan, depi Geba ziska Berseba; i ti detri tou bann landrwa sakre kot bann laport, ki ti dan lantre laport Zozye, gouverner lavil, lo kote gos laport lavil.

2 Kronik 23:17

Apre, tou dimoun ti al dan tanp Baal; zot ti demoli, kas son bann lotel ek son bann stati e touy Matann, pret Baal, devan bann lotel.

2 Kronik 31:1

Kan lafet ti fini, tou Izraelit ki ti prezan, ti al dan bann lavil Zida. Zot ti demoli bann ros sakre ki ti'n ganny plase. Zot ti kraz bann ros sakre e detri tou bann landrwa sakre avek zot bann lotel partou dan Zida ek Benzamen, dan Efraim ek Manase. Apre, tou bann Izraelit ti al se zot dan zot prop lavil, sakenn dan son propriyete.

Psonm 106:40

Alor, lakoler SENYER ti monte kont son pep e i ti degout zot.

Psonm 89:38

Pourtan, ou'n rezet lerwa ki ou ti'n swazir; ou'n les li tonbe; ou'n pran lakoler kont sa enn ki ou ti'n konsakre.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Zeremi 16:18

Me avan sa, mon pou fer zot pey doub pour zot move mannyer fer e pour zot pese, akoz zot in sali mon pei avek zot bann zidol degoutan. Zot in ranpli mon landrwa avek zot bann fo zidol.

Ezekyel 16:39

Mon pou livre ou dan lanmen ou bann galan e zot ava kraz ou bann lakaz prostitisyon ek ou bann landrwa sakre. Zot pou met ou touni, pran tou ou bann bizou e kit ou konpletman touni.

Ezekyel 43:7

Sa lavwa ti dir mwan: Ou ki en imen, ekoute! Isi i landrwa kot mon tronn i ete; la kot mon poz mon lipye. Mon pou reste parmi pep Izrael pour touzour. Ni pep Izrael, ni son bann lerwa pa pou dezonor mon non sen ankor par zot lavi prostitisyon e par bann kadav zot bann lerwa lo zot bann oter.

Ezekyel 6:13

Ou ava konnen ki mwan menm SENYER, ler zot kadav ava fannen parmi zot bann zidol toultour zot bann lotel, lo sak kolin, lo sak montanny, anba sak zarbis ver e anba sak pye dibwa ki annan feyaz, partou kot zot ofer sakrifis devan zot zidol.

Oze 10:2

Zot leker pa senser. Aprezan, zot pou bezwen peye. Zot bann lotel pou ganny kraze. Zot bann ros sakre pou ganny detri.

Levitik 20:23

Zot pa pou swiv bann pratik sa nasyon ki mon pou sas devan zot. Akoz zot in pratik tousala, ki zot in vin degoutan pour mwan.

Levitik 26:11

Mon pou vin reste parmi zot; mon pa pou abandonn zot.

Levitik 26:15

si zot rezet mon bann regleman, mepriz mon bann lalwa; si zot pa obzerv mon bann komannman, si zot kas mon lalyans,

Amos 6:8

Senyer BONDYE, par en serman, SENYER, Bondye liniver i deklare: Lorgey pep Izrael i degout mwan; mon deteste lorgey lafanmir Zakob ek son bann pale. Mon pou livre lavil Samari dan lanmen lennmi ek tou sa ki ladan.

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Deterononm 32:19

SENYER ti war sa e i ti vekse. I ti rezet son bann garson ek son bann fiy.