Levitik 26:3 - Labib An Kreol Seselwa

³ Si zot swiv mon bann regleman, si zot gard mon bann komannman e met zot an pratik,

Levitik 26:3 ပူးပေါင်းရင်းမြစ်များ

Nehemi 1:9

Me si zot retourn ver mwan, gard mon bann komannman e met zot an pratik, menm si zot ava ganny sase tre lwen, mon pou al rod zot kot zot ete e fer zot retourn dan landrwa kot mon'n swazir pour etabli mon non.

Egzod 23:25

Zot ava ador SENYER zot Bondye e i ava beni zot dipen ek zot delo. Mon pou elwanny tou maladi parmi zot.

Ezai 1:19

Si zot aksepte obeir mwan, zot ava manz bann pli bon prodwi dan sa pei.

Ezai 30:23

Alor, i ava fer lapli tonbe lo bann lagrenn ki ou'n senmen e dible ki later ava prodwi ava dan labondans e bon kalite. Sa zour, troupo pou al manz zerb dan bann gran laplenn.

Zeremi 11:4

Sa i lalyans ki mon ti fer avek zot bann zanset, kan mon ti fer zot sorti Lezip, sa pei ki ti parey en four ki fonn fer. Mon ti dir zot ki si zot obei tou sa ki mon demann zot fer, alor zot ava vin mon pep e mwan, zot Bondye.

Levitik 19:25

Dan senkyenm lannen, zot ava kapab manz fri. Konmsa ki zot rekolt ava ogmante: Mwan menm SENYER zot Bondye.

Zakari 8:12

Annefe, mon pou senm lape; bann plantasyon rezen pou donn bon rekolt, later pou donn rekolt, lesyel pou donn lapli. Tousala, mon pou donn restan sa pep pour posesyon.

Malasi 3:10

Anmenn tou ladim dan trezor tanp, pour ki i annan touzour dekwa manze dan mon lakaz, SENYER liniver i deklare. Teste mwan e zot ava war si mon pa pou ouver rezervwar lesyel e devers lo zot toudsort benediksyon annabondans.

Deterononm 7:12

Si ou ekout sa bann lalwa e pran swen pour obzerv zot e met zot an pratik, SENYER, ou Bondye ava gard son lalyans anver ou e kontinyen gard sa promes ki i ti fer par en serman avek ou bann zanset.

Revelasyon 22:14

Byennere bann ki lav zot rob pour ki zot ganny drwa manz fri pye dibwa lavi, e antre dan lavil par laport.