Levitik 26:25 - Labib An Kreol Seselwa

²⁵ Mon pou anvoy lager kont zot, pour pini zot akoz mon lalyans. Si zot al pran refiz dan bann lavil, mon pou anvoy lepidemi parmi zot, e zot ava tonm dan lanmen lennmi.

Levitik 26:25 ပူးပေါင်းရင်းမြစ်များ

2 Samyel 24:15

SENYER ti fer vin lepidemi lo Izrael depi bomaten, pandan letan ki ti'n fikse; 70,000 zonm parmi lepep, depi Dann ziska Berseba, ti mor.

1 Rwa 8:33

Kan ou pep Izrael, i ganny bate par lennmi akoz in fer pese kont ou, si zot retourn ver ou, si zot rann glwar ou non e ofer lapriyer ek siplikasyon dan sa lakaz,

1 Rwa 8:37

Kan pou annan lafanmin dan pei; kan pou annan lepidemi; kan bann plantasyon pou ganny atake par maladi, oubyen sotrel ek zensek; kan lennmi ava anserkle ou pep devan laport son lavil; kan i ava annan lepidemi, e toudsort maladi;

2 Rwa 17:3

Salmanazar, lerwa Asiri, ti al atak li; Oze ti kapitile e pey li taks.

2 Kronik 24:24

Larme Siriyen pa ti gran, me SENYER ti'n livre en gran larme dan zot lanmen, akoz lepep ti'n abandonn SENYER, Bondye zot zanset. Konmsa, ki lerwa Zoas ti ganny pini.

Psonm 94:1

SENYER! Ou en Bondye ki fer vanzans; Bondye vanzans! Fer konnen ki ou ete.

Egzod 5:3

Zot ti dir, “Bondye bann Ebre in aparet avek nou. Les nou pep ale pour en vwayaz trwa zour dan dezer pour al ofer sakrifis SENYER nou Bondye; sankwa i pou detri nou par maladi oubyen par lager.”

Ezai 1:20

Me si zot refize, si zot persiste dan zot revolt kont mwan, zot pou ganny devore. Labous SENYER in deklare.

Ezai 65:12

mon pou fer zot ganny masakre e zot tou, zot pou tonm lo zot zenou pour ganny egorze. Annefe, mon ti apel zot, me zot pa ti reponn; ler mon ti koze, zot pa ti ekoute, me zot ti fer sa ki mal devan mwan e swazir sa ki pa fer mwan plezir.

Zeremi 19:7

Mon pou detri tou bann plan ki zabitan Zida ek Zerizalenm i annan pour sa landrwa. Mon pou les zot lennmi masakre zot. Mon pou donn zwazo ek zannimo sovaz zot kadav pou manze.

Zeremi 24:10

Mon pou anvoy lager, lafanmin ek lepidemi lo zot, ziska zour pou nepli annan en sel parmi zot ki reste vivan dan sa pei ki mon ti donn zot zanset ek zot menm.

Zeremi 50:28

Bann sirvivan ki ti'n sape Babilonn e ki'n ariv Zerizalenm ti rakonte koman SENYER nou Bondye in fer son revanz pour sa ki bann Babilonyen ti'n fer avek son tanp.

Zeremi 51:11

Fit zot bann fles! Ranpli zot sak! SENYER in revey bann lerwa Med pour egzekit son plan pour li detri Babilonn. Konmsa ki i pou revanze kont sa bann dimoun ki ti detri son tanp.

Zeremi 9:16

Mon pou anvoy li annegzil dan en kantite pei diferan ki ni li, ni son zanset pa'n deza antann koze. Mon pou anvoy bann gerye kont li ziska ki mon ava'n detri li konpletman.

Lamantasyon 2:21

Zenn koman vye in tale dan lapousyer lo semen. Zenn fiy ek zenn garson in ganny masakre. Zour ou lakoler ti leve, ou'n touy zot, ou'n masakre zot san pitye.

Ezekyel 14:17

Oubyen, si mon anvoy lennmi kont sa pei e komann en larme detri pei e touy zonm ek zannimo,

Ezekyel 20:37

Mon pou fer zot pas anba mon baton berze e gid zot par mon lalyans.

Ezekyel 29:8

Alor, la sa ki Senyer BONDYE i deklare: Mon pou anvoy lager kont ou e detri zonm koman zannimo.

Ezekyel 33:2

Ou ki en imen, koz avek ou pep e dir zot sa ki arive kan mon anvoy lager kont en pei. Bann zabitan sa pei i swazir en zonm parmi zot e plas li koman santinel.

Ezekyel 5:17

Mon pou anvoy kont ou lafanmin ek zannimo sovaz ki pou touy ou bann zanfan; lepidemi, vyolans ek lager pou detri tou. Mwan, SENYER ki deklare.

Ezekyel 6:3

Ou ava dir: Bann montanny Izrael, ekout parol Senyer BONDYE! La sa ki Senyer BONDYE i dir avek bann montanny ek kolin, bann ranpar ek vale: Mwan, mon pou anvoy lager kont zot e detri zot bann landrwa sakre.

Oze 11:6

Lepe lager pou balye zot bann lavil. I pou detri tou son bann defans, i pou devor tou, akoz zot move proze.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Amos 4:10

Mon ti anvoy lepidemi lo zot, parey mon ti anvoy lo Lezip. Mon'n masakre zot bann zennzan dan lager, mon'n les zot bann seval ganny vole. Mon'n fer monte dan zot nennen piyanter lanmor dan zot bann kan. Malgre tousala, zot pa'n retourn ver mwan. SENYER ki'n deklare.

Habakouk 3:5

Devan li, en lepidemi pe avanse; deryer li, en lafyev i swiv dan son lepa.

Nonm 14:12

Mon pou detri zot par en lepidemi e dezerit zot. Mon pou fer sorti dan ou en gran nasyon pli gran e pli for ki zot.”

Nonm 16:49

Ti annan 14,700 dimoun an tou ki ti mor dan sa fleo, san kont sa ki ti mor dan zafer Kore.

Nonm 31:3

Alor, Moiz ti dir pep Izrael: Met zot pare pour al lager e atak bann Madyanit, pour zot egzekit vanzans SENYER lo Madyann.

Levanzil dapre Lik 21:11

pou annan gran tranblemandter, e dan plizyer landrwa pou annan lafanmin ek lepidemi. Pou osi annan bann fenomenn efreyan e bann gran siny dan lesyel.

Deterononm 28:21

SENYER pou anvoy maladi apre maladi lo ou, ki pou fer ou deperi, ziska ki ou ava disparet dan sa pei kot ou pe ale pour ou pran posesyon.

Deterononm 32:25

Dimoun pou ganny masakre dan lari. Dan bann lakaz, zennzan, zenn fiy, pti baba ki ankor pe tete, vyeyar avek seve blan zot tou, zot pou mor avek lafreyer.

Deterononm 32:35

Mwan ki fer vanzans, mwan ki donn rekonpans zour zot lipye ava glise, akoz zour zot maler pa pe tarde, zot desten pe ariv an vites.

Deterononm 32:41

si mon fit mon lepe klate e mon lanmen i pronons zizman, mon pou vanz mon bann ladverser e pey an retour sa bann ki ay mwan.

Ziz 15:11

300 zonm Zida ti desann kot kavern Etanm. Zot ti dir Sanmson, “Ou pa konnen ki bann Filisten in vin nou met? Ki ou'n fer nou la?” I ti reponn zot, “Mon'n tret zot parey zot in tret mwan.”