Levitik 26:22 - Labib An Kreol Seselwa

²² Mon pou anvoy kont zot bann zannimo sovaz ki ava touy zot bann zanfan e detri zot bann troupo. Zot pou disparet e zot semen pou vin dezer.

Levitik 26:22 ပူးပေါင်းရင်းမြစ်များ

2 Rwa 17:25

Kan zot ti konmans reste la, zot ti napa respe pour SENYER, e SENYER ti anvoy bann lyon ki ti touy bokou parmi zot.

2 Rwa 2:24

Elize ti vir deryer; i ti war zot e i ti modi zot lo non SENYER. Alor, de lours ti sorti dan lafore e devor 42 parmi sa bann garson.

2 Kronik 15:5

Dan sa lepok, dimoun pa ti kapab deplas an sekirite. Ti annan en kantite dezord partou dan bann pei.

Ezai 24:6

Pour sa rezon, later in ganny devore par malediksyon. Son bann zabitan pe soufer konsekans. Alor, zot diminyen lo later e i pa reste bokou dimoun.

Ezai 33:8

Bann lari i dezer; napa personn lo semen. Lalyans in ganny kase. Serman in ganny meprize; son bann kondisyon pa'n ganny respekte.

Zeremi 15:3

La sa ki SENYER i deklare: Mon'n deside azir kont zot par kat maler: Touye dan lager; desire par bann lisyen; devore par zwazo ek zannimo sovaz.

Zeremi 42:2

kot profet Zeremi. Zot ti dir li, “Nou sipliy ou, priy SENYER ou Bondye pour nou. Priy pour nou tou ki'n reste vivan. Parey ou kapab war ou menm, i pa reste bokou nou.

Lamantasyon 1:4

Semen ki anmenn Siyon i an dey, personn pa pas par la pour al dan bann lafet. Dimoun nepli pas par son bann laport. Son bann pret i plennyen. Son bann zenn fiy zot dan lapenn. Siyon i dan lanmertim.

Ezekyel 14:15

Si mon anvoy bann bebet feros atraver pei e ki zot devor bann zabitan, devaste pei e ki personn pa kapab pase akoz sa bann zannimo sovaz,

Ezekyel 14:21

Alor, la sa ki Senyer BONDYE i deklare: Kan mon pou anvoy kont Zerizalenm mon kat zizman terib: Lepe, lafanmin, bebet feros ek lepidemi pour fer disparet zonm koman zannimo,

Ezekyel 33:28

Mon pou detri sa pei e fer li vin en landrwa devaste; son lafors ki fer son lorgey pou disparet. Bann montanny Izrael pou ganny devaste; personn pa pou pas par la.

Ezekyel 5:17

Mon pou anvoy kont ou lafanmin ek zannimo sovaz ki pou touy ou bann zanfan; lepidemi, vyolans ek lager pou detri tou. Mwan, SENYER ki deklare.

Levitik 26:6

Mon pou met lape dan pei; personn pa pou vin trakas zot. Mon pou detri bann zannimo feros dan pei e lepe pa pou travers zot pei.

Mise 3:12

Alor, akoz ou, fose pou ganny fouye dan Siyon, Zerizalenm pou vin en ta debri. Montanny kot tanp i ete pou ganny kouver avek brousay.

Zakari 7:14

Mon'n dispers zot parmi bann nasyon ki zot pa ti konnen. Pei ki zot ti'n kit deryer, ti ganny devaste; personn pa ti pas par la. En pei kot ti gou viv, ti'n vin en dezer.

Deterononm 32:24

Lafen pou afebli zot, lafyev ek bann lepidemi pou devor zot. Mon pou anvoy kont zot bann bebet feros e venen bann bebet ki ranpe dan lapousyer.

Ziz 5:6

Dan lepok Sanmgar, garson Anat, dan letan Yael, karavann ti nepli pase. Vwayazer ti pran bann pti semen.