Levitik 26:19 - Labib An Kreol Seselwa

¹⁹ Mon pou detri lorgey zot lafors e mon pou fer zot lesyel vin dir koman fer e zot later koman kwiv.

Levitik 26:19 ပူးပေါင်းရင်းမြစ်များ

1 Rwa 17:1

Eli, ki ti sorti Tisbit, enn bann zabitan Galaad, ti dir Akab, “Par SENYER Bondye Izrael ki vivan, mwan son serviter mon dir ou: Dan bann lannen ki pe vini, pou napa laroze, ni lapli ziska ler mon dir.”

1 Rwa 8:35

Kan lesyel i fermen, e lapli pa tonbe akoz pep Izrael in komet pese kont ou; si zot priye dan sa lakaz, si zot loue ou non e abandonn zot pese akoz ou'n pini zot,

Ezai 2:12

Annefe, SENYER liniver in gard son zour pour li azir kont bann ki fyer e vantar, ler i pou abes sa bann ki krwar zot siperyer.

Ezai 25:11

Menm si zot ava lev zot lanmen la kot zot ete, parey en nazer i anvoy lanmen ler i naze, zot lorgey pou ganny abese.

Ezai 26:5

In fer tonbe sa bann ki reste dan montanny; in kraz bann lavil ki byen proteze. In abes zot ziska dan lapousyer.

Ezai 28:1

Maler lo bann soular dan pei Efraim, lavil dan laform en kouronn! I ganny byen dekore lo sa kolin ki domin son vale fertil. Me son labote i parey bann fler sek ki orn latet bann ki'n gonfle avek manze gra, ki'n soule avek diven.

Zeremi 13:9

La sa ki SENYER i deklare: Mon pou detri larogans Zida e gran lorgey Zerizalenm.

Zeremi 3:3

Pour sa rezon, mon'n anpes lapli tonbe e sezon lapli pa'n vini. Vreman, ou'n vin parey en prostitye, me ou pa ni onte.

Ezekyel 24:21

Dir pep Izrael: La sa ki Senyer BONDYE i deklare: Mon pou profann mon sanktyer ki fer lafyerte ou lafors, ki donn ou plezir e satisfer dezir ou leker. Ou bann garson ek ou bann fiy ki ou'n kit deryer pou ganny masakre.

Ezekyel 30:6

La sa ki SENYER i deklare: Lezip avek son bann zonm vantar pou ganny kraze. Tou bann ki defann li, depi Migdol ziska Aswann pou ganny masakre ansanm avek li, Senyer BONDYE i deklare.

Ezekyel 33:28

Mon pou detri sa pei e fer li vin en landrwa devaste; son lafors ki fer son lorgey pou disparet. Bann montanny Izrael pou ganny devaste; personn pa pou pas par la.

Ezekyel 7:24

Mon pou fer nasyon pli kriyel pran posesyon zot lakaz. Mon pou detri larogans bann ki for e profann zot landrwa sakre.

Danyel 4:37

Aprezan mwan, Naboukodonozor, mon loue e mon elev lerwa lesyel! Akoz tou son bann mervey i vre e son bann aksyon i zis. I annan pouvwar abes bann ki ranpli avek lorgey.

Sofoni 3:11

Sa zour, ou pou nepli onte akoz ou bann move aksyon ki ti fer ou revolte kont mwan. Mon pou fer disparet parmi zot, tou bann ki fyer e arogan. Ou ava arete montre ou lorgey lo mon montanny sen.

Levanzil dapre Lik 4:25

Me les mwan dir zot: Ti annan en kantite vev dan pei Izrael dan lepok profet Eli, kan lesyel ti fermen pandan 3 an 6 mwan, e ti annan en gran lafanmin partou dan pei.

Deterononm 11:17

Alor, zot pou fer lakoler SENYER monte kont zot. I ava ferm lesyel e okenn lapli pa pou tonbe. Pei pou nepli prodwir okenn rekolt e zot ava disparet rapidman dan sa bon pei ki SENYER pe al donn zot.

Deterononm 28:23

Lesyel lo ou latet ava parey en twa an bronz e later anba ou lipye ava vin dir parey feray.

1 Samyel 4:11

Kof Bondye ti ganny sezi, e de garson Eli, Hofni ek Fineas ti ganny touye.

1 Samyel 4:3

Kan leres bann zonm Izrael ti retourn dan zot kan, bann ansyen ti demande: Akoz SENYER in les nou ganny bate par bann Filisten ozordi? Annou al sers Kof lalyans Silo e anmenn li isi, pour ki SENYER ava la parmi nou e i ava sov nou dan lanmen nou bann lennmi.