Levitik 26:13 - Labib An Kreol Seselwa

¹³ Mwan menm SENYER zot Bondye ki ti fer zot sorti Lezip pour ki zot pa vin lesklav ankor. Mon'n tir bann fardo lo zot zepol; zot ava kapab mars avek lafyerte.

Levitik 26:13 ပူးပေါင်းရင်းမြစ်များ

Psonm 116:16

SENYER! Mon ou serviter. Mon ou serviter, garson ou servant. Ou'n delivre mwan dan mon bann lasenn.

Egzod 14:8

SENYER ti andirsi leker Faraon, lerwa Lezip, ki ti pourswiv pep Izrael. Pep Izrael ti'n sorti lib, anba proteksyon Bondye.

Egzod 20:2

Mwan menm SENYER ou Bondye, ki ti delivre ou Lezip dan lesklavaz.

Egzod 6:7

Mon pou fer zot vin mon pep, e mon pou vin zot Bondye, pour ki zot konnen ki se mwan menm SENYER, zot Bondye ki'n fer zot sorti anba latas bann Ezipsyen.

Ezai 51:23

Mon pou met li dan lanmen sa bann ki tourmant ou e ki ti'n dir ou: Dormi ater pour nou kapab mars lo ou! Alor, ou'n fer ou ledo vin parey marspye, parey later lo semen pour zot mars lo la.

Ezai 9:3

Ou'n fer popilasyon sa nasyon ogmante, ou'n rann li pli ere ankor. I kontan ki ou la, i rezoui devan ou parey letan rekolt; i montre son lazwa, parey ler dimoun i partaz bann byen ki i sezi dan lager.

Zeremi 2:20

La sa ki SENYER liniver i deklare: Izrael! Depi lontan ou pe revolte kont mwan. Ou'n refize obei mwan, ou'n refize ador mwan. Alor, lo nenport montanny e anba tou pye dibwa avek ver, ou'n donn ou lekor koman prostitye.

Zeremi 28:2

La sa ki SENYER liniver, Bondye Izrael i deklare: Mon pou kas sa fardo ki lerwa Babilonn ti'n met lo bann nasyon.

Zeremi 28:4

Mon pour osi fer Yoyakin, garson Yoyakim ek lerwa Zida, retourn avek tou bann zabitan Zida ki ti'n al annegzil Babilonn. Wi, mon pou kas sa fardo ki lerwa Babilonn ti'n met lo zot, SENYER ki deklare.

Ezekyel 30:18

Kan mon pou detri pwisans Lezip e aret son lorgey, Tapanes pou reste dan fernwanr, en nyaz pou kouver li; son bann zabitan pou ganny deporte.

Ezekyel 34:27

Bann pye fri dan lakanpanny pou raporte e later pou donn son prodwi; zot pou viv an sekirite dan zot pei. Zot ava konnen ki mwan menm SENYER, kan mon ava kas zot lasenn e delivre zot anba pouvwar bann ki'n fer zot lesklav.

Oze 11:4

Mon ti gid zot avek lafeksyon, ek lanmour; mon ti pran zot koman mon zanfan e plas zot kont mon lazou. Mon ti bese e fer zot manze.

Levitik 25:38

Mwan menm SENYER zot Bondye ki'n fer zot sorti Lezip pour donn zot later Kanaan, pour mwan vin zot Bondye.

Levitik 25:42

Annefe, zot mon serviter, akoz mon'n fer zot sorti Lezip. Zot pa kapab ganny vann parey lesklav.

Levitik 25:55

Annefe, pep Izrael i mon bann serviter. Zot mon bann serviter ki mon'n fer sorti Lezip: Mwan menm SENYER zot Bondye.

Nahoum 1:13

Aprezan, mon pou kas sa fardo ki lo ou e mon pou kas bann lasenn ki atas ou.