Levitik 25:18 - Labib An Kreol Seselwa

¹⁸ Zot ava obzerv mon bann lalwa e gard mon bann regleman; konmsa, zot ava viv anpe dan pei.

Levitik 25:18 ပူးပေါင်းရင်းမြစ်များ

1 Rwa 5:5

Mon'n deside konstri en tanp konsakre pour SENYER mon Bondye. Annefe, SENYER ti'n deklare avek mon papa David: Ou garson, sa enn ki mon pou swazir pour ranplas ou lo tronn, ki pou konstri sa tanp an loner mon non.

Psonm 103:18

anver sa enn ki gard son lalyans e ki pa oubliye obei son bann komannman.

Psonm 4:8

Mon pou alonze e dormi anpe, akoz ou SENYER, ou gard mwan an sekirite.

Proverb 1:33

Me sa enn ki ekout mwan, pou viv an sekirite, dan trankilite, san ki maler i fer li per.

Zeremi 23:6

Pandan son renny, rwayonm Zida pou ganny libere e pep Izrael pou viv dan lape. I pou ganny apele: SENYER ki nou lazistis.

Zeremi 25:5

I ti dir zot: Sanz zot mannyer viv e aret fer sa ki mal; konmsa, zot ava kontinyen viv dan sa pei ki SENYER in donn zot ek zot bann zanset depi touzour e pour touzour.

Zeremi 33:16

Dan sa bann zour, bann zabitan Zida pou ganny libere, e bann zabitan Zerizalenm pou viv an sekirite. Lavil li menm pou ganny apele: SENYER i nou lazistis!

Ezekyel 33:29

Mon pou konpletman detri sa pei, akoz zot bann aksyon degoutan, e zot ava konnen ki mwan menm SENYER.

Levitik 19:19

Obzerv mon bann regleman. Pa les de zannimo lespes diferan krwaz avek kanmarad; pa senm legren diferan kalite dan menm plantasyon, ni met en lenz ki'n ganny fer avek de kalite latwal.

Levitik 19:37

Ou ava gard tou mon bann regleman ek mon bann desizyon, e met zot an pratik. Mwan menm SENYER.

Levitik 25:19

Pei ava prodwir son fri; zot ava annan dekwa manze e viv la an sekirite.

Deterononm 12:10

Kan zot ava travers larivyer Zourden e viv dan pei ki SENYER, zot Bondye pou donn zot, i ava gard zot anpe avek zot bann lennmi ki otour zot e zot ava viv an sekirite.

Deterononm 33:12

La sa ki Moiz ti dir konsernan tribi Benzamen: I sa enn ki SENYER in prefere. Avek li i repoz an sekirite. SENYER i protez li tou le zour, i repoz dan son lebra.

Deterononm 33:28

Konmsa, Izrael i viv an sekirite; sours Zakob i san traka dan en pei dible ek diven, kot lesyel i fer desann laroze.