Levitik 24:5 - Labib An Kreol Seselwa

⁵ Ou ava pran lafarin meyer kalite e ou ava fer 12 gato sis kilo sakenn.

Levitik 24:5 ပူးပေါင်းရင်းမြစ်များ

1 Rwa 18:31

I ti pran 12 ros, pour sa 12 tribi, bann garson Zakob avek ki SENYER ti adres son parol: Ou pou apel Izrael.

1 Kronik 23:29

Zot ti osi okip dipen sakre ki ganny ofer devan Bondye. Zot ti prepar lafarin pour bann lofrann vezetal, bann galet san lelven, bann gato kwi lo plak ek lezot gato avek tou bann lenstriman ki servi pour mezire e pour peze.

1 Kronik 9:32

Serten lezot levit dan lafanmir Kehat ti responsab pour fer dipen pour lofrann, ki zot ti prepare sak saba.

2 Kronik 13:11

Tou le bomaten e tou le swar, zot bril bann sakrifis konplet ek lansan aromatik pour SENYER; zot depoz dipen lo latab annor pir e sak swar zot alim portlanp annor avek son bann lalanp. Nou, nou fer sa ki SENYER in ordonn nou, me zot, zot in abandonn li.

Nehemi 10:33

Sa don ava servi pour dipen, pour sakrifis konplet ek lofrann vezetal, pour bann saba, bann nouvellin, oubyen lezot zour lafet, pour lezot lofrann konsakre an loner Bondye ek bann sakrifis ofer par Izrael pour pardon zot pese, e osi pour tou bann travay dan tanp nou Bondye.

Nehemi 10:34

Nou, bann pret, levit, ek lepep, nou ti tir osor pour konnen lekel fanmir ki devre fourni sak lannen, lo en dat fiks, dibwa ki pour bril lo lotel dan tanp SENYER, nou Bondye, parey in ekri dan lalwa.

Egzod 25:30

Lo sa latab ki ou ava plas dipen lofrann ki pou reste toultan devan mwan.

Egzod 39:36

latab, tou bann istansil avek dipen pour lofrann;

Egzod 40:23

I ti depoz dipen devan SENYER, parey SENYER ti'n ordonn li.

Egzod 40:4

Ou ava anmenn latab e depoz bann lofrann dipen. Ou ava anmenn portlanp e aranz son bann lalanp.

Nonm 4:7

Lo latab lofrann dipen, zot ava tal en tapi kouler ble e apre met bann pla. Zot ava met bann lakoup, bann bol, flakon delwil. Zot ava osi met Dipen pour lofrann permanan lo sa latab.

Matye 12:4

I ti antre dan tanp avek son bann zonm e manz dipen konsakre, alor ki zis bann pret ki ti annan drwa manz sa dipen.

Akt de Zapot 26:7

Tou le 12 tribi nou pep, pe osi esper sa realizasyon, an servan Bondye, lizour koman aswar. Ozordi, lerwa Agripa, se akoz sa lesperans ki mon ganny akize par bann Zwif.

Ebre 9:2

En latant ti ganny enstale. Dan son premye parti, latant eksteryer ki ti apel landrwa Sen, ti annan portlanp, latab ek dipen pour lofrann.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!

1 Samyel 21:6

Alor, sa pret ti donn David dipen sakre akoz ti napa lot dipen eksepte dipen sakre, ki ti'n ganny retire devan SENYER, pour ranplas li par dipen fre, menm zour.

1 Samyel 21:7

Me, enn bann zofisye dan pale Sail ti la sa zour. I ti pe akonpli son devwar relizye devan SENYER. I ti en Edomit ki ti avek Dog. I ti sef bann berze Sail.