Levitik 23:36 - Labib An Kreol Seselwa

³⁶ Pandan set zour, zot ava ofer SENYER bann lofrann brile par dife. Wityenm zour, zot ava obzerv en rasanbleman sakre e prezant SENYER bann lofrann brile par dife. Sa i en lasanble solannel; zot pa pou fer okenn travay ordiner.

Levitik 23:36 ပူးပေါင်းရင်းမြစ်များ

Nehemi 8:18

Sak zour, depi premye zour ziska dernyen zour, zot ti lir liv lalwa Bondye. Zot ti selebre lafet pandan set zour. Dapre regleman, son wityenm zour, ti en zour lasanble solannel.

Zoel 1:14

Donn lord pour fer en zenn. Rasanble bann zabitan pour en lasanble solannel! Rasanble bann ansyen ek tou zabitan dan pei, dan tanp SENYER zot Bondye e enplor SENYER.

Zoel 2:15

Sonn tronpet dan Siyon! Donn lord pour fer en zenn! Rasanble bann zabitan pour en rasanbleman sakre.

Levitik 23:7

Zot ava fer en rasanbleman sakre son premye zour; zot pa pou fer okenn travay ordiner.

Levanzil dapre Zan 7:37

Dernyen zour lafet ki pli solannel, Zezi ti debout devan lafoul. I ti dir byen for, “Sa enn ki swaf, vini! Vin kot mwan, vin bwar.

Deterononm 16:8

Pandan sis zour, ou ava manz dipen san lelven; son setyenm zour i ava annan en gran rasanbleman solannel an loner SENYER, ou Bondye. Ou pa devre travay sa zour.