Levitik 23:29 - Labib An Kreol Seselwa

²⁹ Sa enn ki pa fer zenn sa lazournen antye, ava ganny met an deor kominote Izraelit.

Levitik 23:29 ပူးပေါင်းရင်းမြစ်များ

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Egzod 30:33

En dimoun ki imit sa reset e ki vers li lo en dimoun ordiner, pou ganny sase dan kominote.

Ezai 22:12

Sa zour, Senyer BONDYE liniver ti demann zot pour plere e lamante; pour raz zot latet e met lenz dey.

Zeremi 31:9

Zot pou ariv an pleran; mon pou akonpanny zot e konsol zot; mon pou anmenn zot kot bann larivyer; mon pou fer zot mars lo en semen san danze, kot zot pa pou riske tonbe. Annefe, mon en papa pour Izrael, e Efraim i mon premye garson.

Ezekyel 7:16

Si okenn sirvivan i sov dan montanny, zot tou, parey pizon ki plennyen, zot pou zemir akoz zot pese.

Levitik 13:46

I ava reste enpir toultan ki i annan sa maladi. I devre reste apar, son landrwa reste ava an deor kan.

Levitik 23:27

Dizyenm zour, setyenm mwan, i zour rityel pardon pese. I ava annan en rasanbleman sakre. Zot ava zennen e ofer SENYER bann lofrann brile par dife.

Levitik 23:30

Sa ki fer okenn travay sa zour, mon pou fer li disparet parmi son pep.

Levitik 23:32

Sa zour ava en saba repo konplet e zot ava fer li en zour zenn. Nevyenm zour sa mwan, zot ava obzerv zot saba depi aswar ziska lannmen swar.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Levitik 7:21

Nenport ki parmi zot ki tous en keksoz enpir, swa en imen, en zannimo, ouswa nenport lezot keksoz enpir, e sa enn ki manz lavyann sakrifis lape pour SENYER, ava ganny rezete parmi son fanmir.

Nonm 5:2

Donn lord pep Izrael e dir zot ki zot devre met an deor kan, tou bann dimoun ki ganny en maladi ki parey lalep, bann ki annan en desarz e tou bann ki'n vin enpir par kontak avek dimoun mor.

Akt de Zapot 3:23

Tou dimoun ki pa ekout sa profet pou ganny rezete parmi pep Bondye e ganny detri.