Levitik 23:27 - Labib An Kreol Seselwa

²⁷ Dizyenm zour, setyenm mwan, i zour rityel pardon pese. I ava annan en rasanbleman sakre. Zot ava zennen e ofer SENYER bann lofrann brile par dife.

Levitik 23:27 ပူးပေါင်းရင်းမြစ်များ

Esdras 8:21

La, kot larivyer Ahava, mon ti demann tou dimoun fer en zenn pour imilye nou devan nou Bondye, pour ki i akord nou en bon vwayaz, pour nou, nou fanmir ek tou nou bann byen.

Psonm 35:13

Kan zot ti malad, mon ti met lenz dey. Par senpati, mon ti fer en zenn e mon ti priye.

Egzod 30:10

En fwa par an, Aaron ava fer rityel pirifikasyon lo bann kwen lotel. I ava ofer disan sakrifis pour pardon pese zenerasyon apre zenerasyon. Sa lotel ava ganny konsidere koman tre sakre pour SENYER.

Ezai 58:5

Eski sa i kalite sakrifis ki fer mwan plezir? Eski sa i en zour kot dimoun i imilye li? Ler i kourb latet parey en tiz banbou e dormi dan lenz dey ek lasann ou apel sa en zour ki SENYER i kontan?

Levitik 16:11

Aaron ava prezant sa toro pour sakrifis pardon pour son prop pese e i ava fer rityel pardon pese pour li menm e pour son fanmir. I ava egorz sa toro koman sakrifis pour pardon son prop pese.

Levitik 16:15

Apre, i ava egorz sa bouk pour sakrifis pardon pese lepep. I ava anmenn son disan lo lot kote rido, fer laspersyon lo kouvertir sakre e devan Kof Lalyans, parey i ti fer avek disan toro.

Levitik 16:16

Konmsa ki i ava fer rityel pour pirifikasyon sanktyer akoz lenpirte pep Izrael, e akoz zot bann krim ek tou zot pese. I ava fer parey pour sanktyer ki la avek zot e dan milye zot lenpirte.

Levitik 16:24

I ava benny dan en landrwa sen e remet son lenz lo li. I ava sorti e ofer sakrifis konplet pour li e pour lepep, e fer rityel pardon pese pour li e pour lepep.

Levitik 23:26

SENYER ti koz avek Moiz:

Levitik 23:28

Lazournen antye, zot pa pou travay, akoz sa i en zour rityel pardon pese; en zour pardon pour zot pese devan SENYER zot Bondye.

Levitik 25:9

Dizyenm zour, setyenm mwan, zot ava fer sonn tronpet pour en laklamasyon. Zour rityel gran pardon pese, zot ava fer tronpet sonnen partou dan zot pei.

Zakari 12:10

Mon pou repann lo tribi David e lo bann zabitan Zerizalenm, en lespri konpasyon ek siplikasyon. Konmsa, kan zot ava lev lizye ver mwan ki zot in transperse, zot ava plere, parey sa enn ki pler son sel garson avek bokou tristes, parey sa enn ki plere lo son premye zanfan.

Akt de Zapot 27:9

Nou ti'n perdi bokou letan. I ti'n vin danzere pour kontinyen navige. Lafet Zwif pour pardon pese ti'n deza pase. Alor, Pol ti donn zot sa konsey,

Let Zak 4:9

Rekonnet zot lanmizer, plere e lamante! Sanz zot sourir an pler, zot lazwa an tristes.