Levitik 23:20 - Labib An Kreol Seselwa

²⁰ Avek sa dipen ek de zenn mouton, pret ava fer rityel lofrann devan SENYER; sa bann lofrann i sen pour SENYER. Zot ava vin pour pret.

Levitik 23:20 ပူးပေါင်းရင်းမြစ်များ

Egzod 29:24

Ou ava met tousala dan lanmen Aaron e dan lanmen son bann garson. Ou ava ofer li koman en lofrann devan SENYER.

Levitik 23:17

Zot ava anmenn pour rityel prezantasyon sorti kot zot, de dipen fer avek trwa kilo lafarin meyer kalite e kwi avek lelven. Sa i ava premye lofrann dipen pour SENYER.

Levitik 23:19

Zot ava osi ofer en bouk koman en sakrifis pour pardon pese, avek de zenn mouton aze enn an pour en sakrifis lape.

Levitik 23:21

Sa menm zour, zot ava konvok en lasanble sakre; zot pa pou fer okenn travay ordiner. Sa i en regleman pour touzour, pour tou bann zenerasyon, la kot zot ava pe reste.

Levitik 8:29

Moiz ti pran morso pwatrin sa mouton pour fer rityel prezantasyon lofrann devan SENYER. Sa ti porsyon pour Moiz, parey SENYER ti'n ordonn li.

Levanzil dapre Lik 2:14

“Laglwar Bondye lao dan lesyel! Lape lo later pour dimoun ki i kontan.”

1 Korentyen 9:11

Nou'n senm dan zot en semans spirityel. Pa i normal ki nou rekolte en par dan zot byen materyel?

Efezyen 2:14

Annefe, Kris li menm ki'n anmenn lape pour nou an fezan bann Zwif ek bann non-Zwif en sel pep. Ler i ti sakrifye son lekor, i'n kraz sa miray ki ti separ zot e ki ti gard zot koman lennmi.

Deterononm 18:4

Zot ava donn li bann premye rekolt dible, diven ek delwil, osi lalenn bann premye mouton ki zot ava raze.