Levitik 23:17 - Labib An Kreol Seselwa

¹⁷ Zot ava anmenn pour rityel prezantasyon sorti kot zot, de dipen fer avek trwa kilo lafarin meyer kalite e kwi avek lelven. Sa i ava premye lofrann dipen pour SENYER.

Levitik 23:17 ပူးပေါင်းရင်းမြစ်များ

Nehemi 10:37

Nou ti promet pour anmenn kot pret, dan bann lasal dan tanp Bondye, premye parti nou lapat lafarin, bann fri tou bann pye dibwa, diven nouvo ek delwil; Ladim lo tou prodwi later ki nou kiltive, ava ganny remet avek bann levit, akoz bann levit ki annan responsabilite pour resevwar ladim dan tou nou bann lavil.

Egzod 22:29

Fodre pa gard avek ou lofrann fri oubyen rekolt ek prodwi ou plantasyon rezen. Ou ava donn mwan premye ne parmi ou bann garson.

Egzod 23:16

Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.

Egzod 23:19

Ou ava anmenn premye fri ou plantasyon kot mwan, SENYER ou Bondye. Ou pa pou kwi en pti kabri dan dile son manman.

Egzod 34:22

Ou ava selebre lafet Lapannkot; lafet premye rekolt lorz e lafet larekolt alafen lannen.

Egzod 34:26

Ou ava anmenn premye fri larekolt dan demer SENYER, ou Bondye. Ou pa pou kwi en pti kabri dan dile son manman.

Levitik 2:12

Ou kapab ofer SENYER lofrann premye fri, me fodre pa bril li lo lotel pour li donn en loder ki fer plezir.

Levitik 23:10

Dir avek pep Izrael: Kan zot ava antre dan sa pei ki mon pe donn zot, ler zot ava fer rekolt, zot ava anmenn kot pret, premye tiz dan sa rekolt.

Levitik 23:18

Avek sa dipen, zot ava prezant set zenn mouton enn an, san tas, en zenn toro ek de bouk. Sa i ava en sakrifis konplet par dife pour SENYER, ansanm avek lofrann vezetal, lofrann labwason, en lofrann brile par dife ki anvoy en loder ki fer plezir SENYER.

Levitik 7:13

Pour akonpanny son sakrifis lape ek remersiman, i ava osi anmenn bann lofrann gato fer avek lelven.

Nonm 15:17

SENYER ti dir Moiz:

Nonm 18:12

Mon donn ou prodwi ki zot ofer SENYER: Meyer delwil, meyer diven ek dible.

Nonm 18:13

Tou lofrann premye rekolt ki ganny anmennen kot SENYER i vin pour ou. Tou manm dan ou fanmir ava kapab manze.

Nonm 28:26

Zour ki ou prezant lofrann premye rekolt sereal devan SENYER, konvok en rasanbleman sakre. Zot pa pou fer okenn travay sa zour.

Matye 13:33

Zezi ti rakont zot ankor en lot parabol, “Rwayonm lesyel i parey lelven ki en fanm i pran e melanz avek 25 kilo lafarin ki fer monte lapat antye.”

Romen 8:23

Me pa zis lakreasyon: Nou ki'n deza resevwar Lespri koman premye par bann don Bondye, nou pe soupire dan nou menm, an atandan ki Bondye i pran nou koman son bann zanfan e akord nou en delivrans total.

1 Korentyen 15:20

Me Kris in resisite. I premye ki'n resisite parmi bann mor.

Let Zak 1:18

Par son prop volonte, i'n donn nou lavi par sa Parol ki laverite. Konmsa, nou ava vin koman bann premye fri son bann kreatir.

Revelasyon 14:4

Se sa bann ki pa'n sali zot avek bann fanm akoz zot ankor vyerz. Zot swiv Zenn Mouton partou kot i ale. Zot in ganny reaste parmi bann zonm pour ganny ofer koman bann premye fri devan Bondye e devan Zenn Mouton.