Levitik 23:12 - Labib An Kreol Seselwa

¹² Zour zot ava fer rityel avek lofrann sa tiz, zot ava ofer SENYER en zenn mouton aze enn an, san defo, koman en sakrifis konplet.

Levitik 23:12 ပူးပေါင်းရင်းမြစ်များ

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 23:11

Pret ava prezant li devan SENYER pour ki ou ganny aksepte; pret ava fer sa, lannmen saba.

Levitik 23:13

Avek lofrann vezetal, zot ava ofer en lofrann brile sis kilo lafarin petri avek delwil, en lofrann ki anvoy en loder ki fer plezir SENYER, ek lofrann en lit edmi diven.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.