Levitik 23:11 - Labib An Kreol Seselwa

¹¹ Pret ava prezant li devan SENYER pour ki ou ganny aksepte; pret ava fer sa, lannmen saba.

Levitik 23:11 ပူးပေါင်းရင်းမြစ်များ

Egzod 28:38

Sa fler ava lo fron Aaron kan i prezant li devan mwan. Konmsa, Aaron ava kapab prezant bann fot ki ganny komet anver bann lofrann ki bann Izraelit i ofer, e anver tou zot bann donasyon sakre. Aaron ava port sa bizou lo son fron toultan, pour ki bann lofrann i ganny aksepte devan SENYER.

Egzod 29:24

Ou ava met tousala dan lanmen Aaron e dan lanmen son bann garson. Ou ava ofer li koman en lofrann devan SENYER.

Levitik 10:14

Konsernan porsyon pwatrin ek kwis dan rityel prezantasyon devan SENYER ki ti ganny ofer, ou ava manz li dan en landrwa sen, ansanm avek ou bann garson ek ou bann fiy. Sa i ou par e par ou bann garson dan sakrifis lape pour pep Izrael.

Levitik 23:10

Dir avek pep Izrael: Kan zot ava antre dan sa pei ki mon pe donn zot, ler zot ava fer rekolt, zot ava anmenn kot pret, premye tiz dan sa rekolt.

Levitik 23:12

Zour zot ava fer rityel avek lofrann sa tiz, zot ava ofer SENYER en zenn mouton aze enn an, san defo, koman en sakrifis konplet.

Levitik 9:21

Aaron ti ofer SENYER bann morso pwatrin ek porsyon kwis drwat ki i ti prezant devan SENYER, parey Moiz ti'n ordonnen.

Rit 1:22

Alor, Naomi ti retournen avek Rit son belfiy Moabit, sorti dan lakanpanny Moab. Zot ti ariv Betlehenm o konmansman rekolt lorz.