Levitik 22:23 - Labib An Kreol Seselwa

²³ Ou ava kapab prezant koman en sakrifis volonter, en bef, en mouton oubyen en kabri diform, ki annan en lapat pli long ki lot. Me i pa pou ganny aksepte pour en ve.

Levitik 22:23 ပူးပေါင်းရင်းမြစ်များ

Egzod 35:29

Tou zonm ek fanm ki ti annan en leker zenere pour kontribye dan tou bann travay ki SENYER ti'n ordonnen par lentermedyer Moiz, tou sa bann Izraelit, ti anmenn zot bann lofrann volonter pour SENYER.

Levitik 21:18

Annefe, okenn zonm ki annan en diformite pa pou kapab prezant li devan Bondye, tel ki en aveg, enn ki bwete, oubyen ki'n ganny defigire, oubyen ki annan en lipye pli long ki lot;

Levitik 22:22

La sa ki ou pa devre ofer SENYER, ni met lo lotel koman en lofrann brile par dife pour SENYER: En zannimo aveg, estropye, ki annan en lapat kase, poro, lagal, dart.

Levitik 22:24

Ou pa devre prezant SENYER en zannimo avek testikil kraze, desire, arase oubyen koupe; ou pa pou fer sa dan ou pei.

Malasi 1:8

Kan zot ofer sakrifis zannimo aveg, eski sa i byen? Kan zot ofer zannimo andikape oubyen malad, eski zot krwar napa nanryen mal ladan? Esey donn sa ou gouverner. Eski sa pou fer li plezir e i ava rekonpans zot? SENYER liniver ki deklare.

Deterononm 15:21

Me si sa zannimo i annan en grav defo; si i bwete oubyen si i aveg, ou pa pou ofer li an sakrifis pour SENYER, ou Bondye.

Deterononm 17:1

Ou pa pou ofer an sakrifis pour SENYER, ou Bondye, ni en bef, ni en mouton ki annan en defo oubyen en diformite, akoz sa i en keksoz degoutan devan SENYER, ou Bondye.