Levitik 22:19 - Labib An Kreol Seselwa

¹⁹ pour ki sa lofrann i ganny aksepte, i ava pran en mal san defo parmi troupo bef, mouton oubyen kabri.

Levitik 22:19 ပူးပေါင်းရင်းမြစ်များ

Egzod 12:5

Sa zenn mouton i devret san defo e aze enn an. Ou ava kapab pran li parmi bann mouton oubyen bann kabri.

Levitik 1:10

Si en dimoun i ofer koman sakrifis konplet, en mouton oubyen en kabri ki sorti dan troupo, i ava ofer en mal san okenn defo.

Levitik 1:2

Koz avek pep Izrael e dir zot: Kan en dimoun parmi zot, i oule ofer SENYER en sakrifis zannimo, i ava swazir en zannimo dan son troupo bef oubyen dan son troupo mouton oubyen kabri.

Levitik 1:3

Si i ofer koman sakrifis konplet, en bef sorti dan son troupo, i ava swazir en mal san okenn defo. I ava ofer son sakrifis devan lantre Latant Rankont pour li ganny aksepte devan SENYER.

Levitik 21:18

Annefe, okenn zonm ki annan en diformite pa pou kapab prezant li devan Bondye, tel ki en aveg, enn ki bwete, oubyen ki'n ganny defigire, oubyen ki annan en lipye pli long ki lot;

Levitik 4:32

Si en dimoun i ofer en mouton koman sakrifis pour pardon pese, i devre anmenn en femel, san defo.

Matye 27:19

Pandan ki Pilat ti ankour, son fanm ti anvoy li sa mesaz, “Pa mel ou dan zafer sa zonm zis. Akoz li, mon'n soufer bokou dan en rev sa lannwit.”

Matye 27:24

Pilat ti war ki pa ti vo lapenn kontinyen, e ki en revolt ti pe al konmanse. Alor, i ti pran delo e lav son lanmen devan lafoul. I ti dir, “Mon pa responsab disan sa zonm! Sa i zot zafer!”

Matye 27:4

I ti dir zot, “Mon'n fer pese, akoz mon'n livre disan en inosan!” Zot ti dir li, “Sa pa konsern nou. Sa i ou zafer!”

Matye 27:54

Sa zofisye Romen ek bann solda ki ti pe vey Zezi ti war sa tranblemandter ek tou sa ki ti'n arive. Alor, zot ti tranble avek en gran lafreyer. Zot ti dir, “Vreman! Sa zonm ti Garson Bondye!”

Levanzil dapre Lik 23:14

I ti dir zot, “Zot in anmenn sa zonm kot mwan e zot in dir ki i pe met troub parmi lepep. Mon'n kestyonn li devan zot; me mon pa'n trouv li koupab pour okenn sa bann lakizasyon ki zot in mete kont li.

Levanzil dapre Lik 23:41

Nou, nou merit nou kondannasyon; nou pe pey pour sa ki nou'n fer. Me sa zonm pa'n fer nanryen mal.”

Levanzil dapre Lik 23:47

En zofisye Romen ki ti war tou sa ki ti'n arive, ti loue Bondye. I ti dir, “Sa zonm ti vreman en zonm zis!”

Levanzil dapre Zan 19:4

Pilat ti sorti ankor. I ti dir avek lafoul, “Gete! La mon anmenn li deor, pour zot konpran ki mon pa trouv okenn rezon pour kondann li.”

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Efezyen 5:27

I'n oule prezant Legliz devan li sen, san defo, san okenn tas, ni rid, dan laperfeksyon total.

Deterononm 15:21

Me si sa zannimo i annan en grav defo; si i bwete oubyen si i aveg, ou pa pou ofer li an sakrifis pour SENYER, ou Bondye.

Ebre 9:14

Si i konmsa, eski disan Kris pa pou annan plis lefe? Par Lespri ki eternel, in ofer li menm avek Bondye, koman en sakrifis parfe. Alor, son disan ava pirifye nou konsyans kont bann move aksyon, pour nou kapab servi Bondye ki vivan.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

1 Pyer 3:18

Annefe, Kris in osi mor pour nou pese en fwa pour tou. Li, sa enn ki ti inosan, i'n mor pour bann ki ti koupab, pour anmenn nou tou kot Bondye. Zot ti touy li dan son lekor fizik, me i ti revin vivan par Lespri Sen.